Isang araw bago ang aking kasal...
Kuskos dito.
Walis doon.
Punas dito.
Lampaso roon.
Inabala ko ng todo ang aking sarili sa paglilinis ng bawat sulok ng aming bahay. Walang niisang alikabok o dumi ang pinalampas ko. Kulang na nga lang ay pakintabin ko pa ang sahig sa paulit ulit na paglalampaso ko roon.
"Hoy Cathy, ano ka ba! Maupo ka nga rito!" malakas na pagsuway sa akin ni mama at agarang inagaw sa aking kamay ang gamit panlinis bago pwersahan na hinila ako patungo sa aming sofa at inupo roon, "Aba! Mapirmi ka sa upuan at kami ang nahihilo sa iyo kakaikot dito sa bahay!"
Napahilot ng kanyang ulo si papa na para bang nananakit na nga ang ulo niya sa ginagawa ko. "Catherine, baka mamaya ay mapilitan kami na itali ka diyan sa upuan para lang mapirmi kang bata ka!" iiling iling n
