After two weeks...
Pagpasok ko pa lang sa pinto ng Easton restaurant ay nakuha ko na agad ang atensyon ng mga customer na nasa loob nito. Naramdaman ko pa nga ang mapagmatang pagpasada ng tingin nila sa kabuuan ko na tila hinuhusgahan nila ang pagkatao ko.
Kaya malakas na napabuga na lang ako ng malalim na hininga saka taas noo na naglakad paloob ng restaurant. Kailangan ko kasi masanay sa ganitong sitwasyon dahil kaakibat ito ng pagpapakasal ko sa hinahanggaan ng karamihan na si Ismael Alcazar.
Aware naman ako nang una pa lang na maraming mga negosyante na may lihim na galit kay Sir Ismael at nakikita nila ako bilang kahinaan niya ngayon. Tsaka tila naging normal na scenario na lamang sa panahon ngayon ito dahil sa pinaghalong crab mentality at insecurities ng mga tao sa tingin nila sa
