Pagkatapos na maibunyag ni Ismael sa harapan ng media ang tungkol sa nalalapit na kasal nila ni Cathy ay namayani ang mahabang katahimikan sa kanilang buong paligid. Labis ang pagkagulat ng lahat na malaman na magpapakasal na pala ang binatang bilyonaryo sa loob ng dalawang linggo.
Hindi nila alam kung kailan o paano nagsimula ang relasyon ng dalawa. Lalo na kahit anong subaybay ang gawin nila noon ay hindi nila nakitaan ng pagtingin sila sa bawat isa.
Kaya ang hinuha nila ay pareho silang magaling na magtago ng kanilang relasyon sa mata ng media. Pakiramdam tuloy nila ay nasubok ang kanilang kakayahan na makita ang facade ng mga kilalang tao sa industriya. Na naisahan sila ni Ismael Alcazar pati na rin ng kanyang sekretarya sa mahabang panahon.
Kaya ngayon, walang sinuman ang makakai
