Namayani ang mahabang katahimikan sa buong opisina. Kitang kita ang labis na kuryosidad sa tingin na binibigay nilang lahat sa akin. Kaya pakiramdam ko tuloy ay biglang napunta ako sa isang hotseat.
Hindi naman din ako makapagsalita dahil hindi ko alam kung paano ipapaalam sa kanila kung paano ko nakilala si Eric. Kung pwede nga lang ay ayoko na ma-involve muli sa lalaki na iyon. Hanggang maaari lang din ay gusto ko na rin ibaon sa limot na nakilala ko pa siya.
Kaya paano kaya ako makakatakas sa interogasyon na ito?
Naramdaman ko ang biglang pagbigat ng pag-akbay sa akin ni Sir Ismael. Tila nahulaan niya ang balak kong pagtakas kaya pinipigilan niya ako na mangyari ito.
Sunud sunod tuloy ako napalunok bago napaayos mula sa pagkakaupo ko. "WIFE, totoo ba ang sinasabi niya na magkakilala
