“Thunder? Ikaw ba iyan?” pagtatanong ng binatang hindi makapaniwala na nakita nitong muli si Thunder. “Ako ito… ako ito… si Austin,” aniya pa.
Lumunok si Thunder. Nanatili pa rin siyang nakatalikod mula sa pwesto ni Austin. Hindi pa rin siya tumitingin sa binata.
“Daddy,” pagtawag sa kanya ng anak na si Winter. Napansin niyang natulala na ang daddy niya.
Napapikit ng mga mata si Thunder. Nag-isip siya. Pinipilit niya kasing isipin kung sino si Austin. Kung nakilala na ba niya ito dati o ano.
Pamaya-maya ay muling nagdilat ng mga mata si Thunder. Naalala na niya kung sino si Austin.
‘Siya ‘yung schoolmate ko noon. Siya iyong payatot na nerd na binu-bully nu’ng high school kami. Siya ang nakababatang kapatid ni Brandon,’ sa isip-isip ni Thunder.
“Siya nga,” mahinang-mahinang sambit ni
