“Gising ka na pala,” ani ni Angelo na kakatapos lamang maghanda ng almusal ng makita si Rex na papunta ngayon ng kusina.
“Mukhang hindi ka yata nakatulog ng mabuti? Lalim ng eyebags mo,” nangingiting sambit pa ni Angelo. Iyon kasi ang napansin niya.
Nag-aalangan namang tumawa si Rex.
“Uh… oo. Medyo mainit kasi kagabi,” pagdadahilan niya. Hindi naman talaga iyon ang dahilan.
Nahihiya ang naging ngiti ni Angelo.
“Pasensya ka na sa bentilador sa kwarto. Mahina kasi ang hangin nun. Nakalimutan ko naman na hindi ka pala sanay sa hindi malamig na kwarto dahil laking aircon ka,” sabi ni Angelo. “Dapat kinuha mo na lang iyong bentilador na nakatapat sa akin kagabi at pinalit mo iyong bentilador na nasa iyo.”
Napailing-iling si Rex. “Wala. Hindi ko naisip saka kung sakali mang naisip ko iyon,
