“Pasensya ka na kung mga lumang damit lang itong mapapahiram ko sayo. Hindi pa kasi ako nakakabili ng mga bagong damit ko,” paghingi ng pasensya ni Angelo kay Rex sabay abot ng mga damit niya rito.
Halos magkasingkatawan sila ni Rex kaya naman naisip ni Angelo na pahiramin ito ng damit kesa naman na suotin pa nito iyong damit na suot-suot nito kanina pa hanggang sa pagtulog. Nasusuot pa naman niya iyong mga damit na ibinigay niya pero halata kasing luma na kaya kahit papaano’y nakakaramdam siya ng hiya kay Rex lalo na’t pang-mayaman at branded ang mga sinusuot nitong damit.
Napangiti si Rex. “Okay lang. Sigurado naman na hindi ako mangangati dito. Hindi naman maselan ang balat ko,” pabirong sabi nito.
Mahinang natawa naman si Angelo.
“Oo naman. Nilalabhan ko ‘yang mabuti,” ani ni Ang
