"ARE you okay now?"
Hindi kaagad ako nakaimik sa naging tanong ni Kuya Enrique. Bumaba ang tingin ko sa mga hita ko bago dahan-dahan na nagkibit-balikat.
"I don't know."
I heard him sigh.
Kinagat ko ang pang-ibabang labi habang dahan-dahan nang pinaglalaruan ang kubyertos na hawak ko. Nang umalis kami ni Kuya Enrique sa M Tower ay naisipan niyang dalhin ako sa isang restaurant para makakain na. Tanghali na rin kasi.
Pero ang gutom ko ay nahihigitan ng pamomoblema ko. Kaya ang siste, hindi rin ako makakain nang maayos. Walang laman ang bituka, pero ang utak ay puno ng iba't ibang ideya. At karamihan sa mga 'yon ay negatibo.
Iniisip ko rin kung tama ba ang ginawa kong pag-iwas kay Drake nang malamang hinihintay niya ako sa condo unit ko. May parte sa akin ang tila gusto siyang hayaan n
