SAPO-SAPO ko ang ulo dahil sa matinding sakit nito. Ni hindi ko na sinubukang gumalaw sa ibabaw ng kama. Nananatili ako roon at nakapirmi.
Nang unti-unting maging maayos ang pakiramdam ay dumilat na ako. Ang puting kisame agad ang bumungad sa akin.
May pagdadahan-dahan pa rin sa mga galaw ko nang maupo na sa ibabaw ng kama. Agad na nagkasalubong ang kilay ko nang matantong nasa isang hindi ako pamilyar na kwarto. Nang tingnan ko ang sarili ay wala namang mali sa akin. Iyon pa rin ang damit ko. Walang nagbago o natanggal.
Nakahinga ako nang maluwag. Nawala na ang pag-alala tungkol sa bagay na 'yon, pero kinakain naman ako ng pagtataka kung saan at paano ako napunta sa silid na ito.
Ang huli kong naaalala ay panay ang inom ko kagabi. Kaya sa huli, lasing na lasing. Matapos noon ay tila n
