"KUYA Enrique..." bulalas ko sa pangalan ng lalaking nasa harapan ko. Mariin ang tingin niya sa akin. Seryoso man ngunit naaaninag ko sa mukha niya ang pag-aalala para sa akin.
Lumunok ako para mabawi ang sarili. Masyado akong nagulantang nang makita siya sa harapan ko.
"Anong ginagawa mo rito?" tanong ko nang tuluyang makabawi sa pagkabigla.
"When you walked out of the restaurant, my parents were worried about you. Alam kong ayaw mo muna makita ang kapatid ko kaya ako na lang ang nagpresintang sumunod sa 'yo."
Nagbaba ako ng tingin sa narinig. Bigla na naman bumigat ang dibdib ko nang maalala ang ginawa ng kapatid niya sa akin.
"Kung gano'n... kanina pa kita kasama?"
"Yes. I was watching you the whole time."
Napapikit ako sa naging tugon niya. Mariin kong kinagat ang pang-ibabang
