البارت الرابع عشر
اول ما دخلت اوضتها لقيت تليفونها بيرن من رقم غريب ردت على التليفون لقيت صوت واحده اول مره تسمع الصوت ده حد ما كانتش تعرفه .
هبه : انت مين وعاوز مني ايه انت اللي بتبعتي لي رسايل على طول ممكن تقولي لي انت مين .
ردت عليها .. وقالت لها للاسف مش هاقول لك انا مين وانتى مش هتعرفي انا مين بس انا عارفه ان فرحك بكره انا حذرتك وانتى ما سمعتيش كلامي كان نفسي تسمعي كلامي لانك داخله على ايام سوده انتى ازاي هتقدري تقعدي مع العيله دي .
هبه : باقول لك انتى مين انا عارفه كويس انتى اكيد واحده من اللي كان اسامه يعرفهم زمان وعاوزه توقعي بيني وبينه .
ردت عليها ... وقالت لها بالع** انا ما ليش اي علاقه باسامه خالص انا باتكلم على العيله اللي انتى داخله فيها قدامك اقل من 12 ساعه وتدخلي البيت ده وساعتها مش هتعرفي تطلعي منه حاولي ترجعي نفسك و تنهي الموضوع ده في اسرع وقت .
هبه قفلت السكه في وشه
