البارت الثالث عشر
هبه كانت قاعده تتكلم هي وهند فجاه باب الاوضه خبطت ومامتهم دخلت ما كانوش يعرفوا انها كانت واقفه بره بتسمعهم بيتكلموا على ايه .
علا : هو مين ده اللي لو لها نصيب فيه انتم بتتكلموا على مين بالضبط وانت يا هند رايحه الجامعه عشان تدرسي وتشوفي مستقبلك ولا عشان تحبي هناك انا بجد مصدومه فيكى .
هند : لا يا ماما انتى فاهمه الكلام غلط خالص والله ما فيش اي حاجه من اللي في بالك دي خالص انا ما فيش اي حاجه بتشغلني غير دراستي اوعى تفتكري اني ممكن اضيع مستقبلي عشان خاطر اي حد مهما كان .
علا : امال ايه الكلام اللي انا سمعته وانا بره ده .
هند : هابقى افهمك على كل حاجه يا ماما بس ما تقلقيش انا ما فيش اي حاجه بعملها غلط حتى ابقي اسالي هبه .
علا : وهي هبه بتقول لي اي حاجه اصلا ده انا باعرف حاجات عنها بالصدفه من غير ما حد يقول لي على العموم انا مش عاوزه اعرف اي حاجه انتم حرين اعمله اللي تع
