“We should celebrate!” Road laughed. “Well, this really calls for a celebration!”
Tulala lang akong nakatingin kay Roderick. Ni hindi ako makapag-react kahit na nakikita ko naman ang pagiging maligaya n’ya. Narito na nga kami sa loob ng opisina n’ya pero hanggang ngayon ay hindi ko pa rin magawang maproseso ang nangyari. Ni hindi ko alam kung paano ako nakarating dito sa kanyang opisina.
I’m the new CMO, is that right? Totoo ba? Hindi nga?
“Gabriella!” umalingawngaw ang boses ni Road sa kabuuan ng silid. “Are you alright? Bakit parang natulala ka na riyan?”
Nanghihina ang mga tuhod na naupo ako sa sofa sa receiving area. Tulala? Pakiramdam ko nga ay nawala talaga ako sa huwisyo dahil sa nangyari. Sino ba namang hindi magugulat? Akala ko ay wala talaga akong kahit na katiting na pag-asa
