"Memories brings back memories..." tila demonyong bulong ni Sabina habang papasok kami sa Club 88.
Tawang-tawa si Letticia na nasa gilid n'ya. Silang dalawa ang nasa likuran namin ni Markiel. Naitsismis kasi agad ni Sebastian sa group chat ang bagong biling RAM ni Markiel kaya nagkasundo ang dalawang bruha na sumabay na rin sa amin papunta rito.
Kung noon, madaming mga college students dito sa loob ng club, mas sobra ngayon! Naghalo-halo na ang mga estudyante mula sa kung saan-saang eskwelahan. Mas lumaki na kasi ang club kaya mas triple na ang kaya nitong i-accomodate.
Hindi lang din kasi mga estudyante ang nakikita ko ngayon dito sa unang palapag ng club. Madami ring mga pamilyar na mukha na katulad naming working adult na! Alam kong malaking parte ng buhay ng mga taga-San Sebastian
