"Miss para sa inyo raw po."
Tiningnan ko ang isang bote ng mamahaling white wine na inilapag ng waiter.
"Pinabibigay po noong nasa kabilang table," dugtong ng waiter bago itinuro ang tinutukoy n'ya.
Dalawang lamesa ang pagitan ng lamesang inookupa ko mula sa lamesang itinuro ng waiter. Apat na lalaki ang naroon at lahat sila ay nakatingin sa direksyon ko.
Lahat ay may itsura at mukhang hindi kung sino lang. Itinaas ng isa sa apat ang basong hawak n'ya at tumango sa akin.
Muli kong tiningnan ang bote ng wine bago tumingin sa waiter na napakamot na lang sa ulo. Mukhang hindi n'ya alam ang gagawin kung sakaling tanggihan ko ang wine.
"Thank you." Ngumiti ako. "Pakisabi salamat."
Kaagad na lumiwanag ang mukha ng waiter. Yumukod pa s'ya bago umalis at bumalik na sa ginagawa.
Hindi ko
