Hindi ko na alam kung paano pa kami nakalabas ng bar. Nahihilo na ako at sobra pa rin ang panggigigil ko, ang alam ko ay hinila na ako ni Sabina. Pinanggitnaan namin si Letti at kaagad na bumaba.
Ni hindi ko nilingon kung ano ang nangyari roon sa dalawang babaeng hindi ko inakalang palengkera pala.
Ngayon nga ay nandito kami sa parking lot na katabi lang ng bar. Dinig pa rin ang ingay na nagmumula sa pinanggalingan namin at sa iba pang bar na nasa malapit.
Maliwanag at hindi pa rin nauubos ang mga sasakyang nasa kalsada na kitang-kita mula rito.
Alas onse y medya. Iyon ang oras na nasa relo ko. Dapat ay umiinom pa kami ngayon pero nasira na ang night-out naming tatlo.
"Hintayin lang natin si Ric."
Napalingon ako kay Gian. Nagpahuli s'ya at base sa pagkakahawak n'ya sa wallet ay mu
