Nang maiparada ko ang sasakyan ay mabilis kong ibinaba ang salamin niyon at tiningnan kung maayos pa ba ang itsura ko.
Sabihin nang kaya ako pumayag sa gusto ng hayop na si Alfonso ay dahil sa bugso ng damdamin. Sa sobrang bad trip ko noong Miyerkules ay basta na lang ako nagdesisyon na makikipag-date roon sa isa sa kaibigan ng siraulong iyon.
Sana lang talaga ay matino ang kaibigan n'ya at hindi katulad n'yang kulang ang turnilyo sa ulo.
Nakalimutan ko nga lang ang tungkol sa lunch date na ito dahil may hang-over pa ako. Ilang baso ng alak lang ang nainom ko kagabi pero pakiramdam ko ay nakaubos ako ng limang bote. Ganoon katindi ang epekto sa akin ng alak.
Hindi na rin kasi ako nakakainom nang sobra at hanggang ilang baso lang ako kaya ngayon ay mabilis na akong tinatablan. Heto n
