Dahil pasado alas cinco na kami nakaalis, natural lang na abutin kami ng traffic. Hindi rin ako sigurado kung saan gustong mag-dinner ni Ric, para kasing nakalimutan na n'ya ang tungkol sa first date namin.
Seryosong-seryoso lang s'ya habang nagmamaneho. Sigurado naman akong hindi n'ya nakalimutan na kasama n'ya ako rito sa kanyang sasakyan dahil sa tuwing titingin ako sa labas, nararamdaman ko ang mga mata n'ya. Hindi ko nga lang s'ya mahuling nakatingin sa akin.
Isang kamay lang n'ya ang humahawak sa manibela. Ang isa ay nasa nakahawak sa kanyang labi at pinaglalaruan ang ibabang bahagi niyon.
Magdadalawang oras na yata kaming nandito sa sasakyan dahil naipit kami sa traffic sa may Buendia. Pero hindi ko pa s'ya narinig na nagsalita kahit isang beses! Nakakapanibago lang talaga!
Ano
