Naramdaman ko ang pagsulyap sa akin ni Markiel kaya tumingin din ako sa kanya at kaagad na ngumiti.
Lumawak ang pagkakangiti ni Markiel kaya mas napangiti na rin ako. Wala naman kasing hindi mapapangiti kapag ganito kaguwapo ang driver mo!
Noong nakaraan pa s'ya umuwi. Nauna silang bumalik dito sa lungsod habang nagpaiwan naman sa Mindoro si JC at maging si Sebastian.
Kailangan na rin kasing bumalik ni Markiel dahil may naka-schedule s'yang therapy sa kanyang doktor. Kahapon iyon at nang nalaman n'yang pupunta ako sa Batangas ngayon para bisitahin ang site na related sa project ko, kaagad s'yang nagprisintang maging driver ko.
Hindi ako pumayag ngunit ayon sa doktor n'ya ay okay lang daw naman iyon. Hindi naman makakasama sa kanyang balikat lalo na at kailangan din n'yang ikilos-kilos
