"Hindi naman kailangan ang pagkakaroon ko ng opisina rito!" angil ko kay Alfonso.
Ang sabi n'ya ay sinisimulan pa lang ang pag-aayos ng magiging opisina ko rito sa kompanya nina Ric ngunit tatlong araw mula nang sabihin n'ya iyon ay nandito na kami, sa mismong palapag na kinalalagyan ng opisina ni Ric!
"At puwede namang sa lower floors, bakit dito pa sa palapag ng presidente ng kompanya?" inis na dagdag ko pa sa siraulo kong kaibigan.
Kalalabas lang namin mula sa elevator. Naglalakad na kami sa hallway at ang tinutumbok namin ay ang kinaroroonan ng opisina ni Ric. Hindi ko alam kung nasaan ang opisina ko rito, ang sinabi lang naman kasi ni Alfon ay same floor kami ni Ric.
"Kompanya 'to nina Ric kaya s'ya ang may say kung saan ilalagay ang opisina mo rito. Wala akong magagawa kung gusto
