Chapter 14
Yna's PoV
MASAKIT ang buo kong katawan pagkagising ko kinaumagahan. Sinapo ko ang noo ko at tinakpan ang kabuuan ko ng kumot. Wala na si Marcus sa tabi ko pero may napansin akong nakalagay na sticky note sa lamesita. Inabot ko iyon at binasa habang nakahiga.
"May susunduin lamang akong kaibigan. See you sa office sa Monday."
Pagkatapos nang may nangyari sa amin ni Marcus ay akala ko mababago ang lahat pero ganoon pa rin. Nagpakatanga lamang talaga ako sa kaniya. Iyong sinabi niya kagabi, tinanggap ko iyon kahit na masakit. Naitaya ko na lahat at wala na akong itinira. Nangilid ang luha sa aking mga mata at pakiramdam ko nadudurog ang puso ko ngayon dahil sa nagawa ko.
Bumangon ako sa kama at pinulot ang nagkalat na damit ko sa sahig. Nilingon ko ang kama na may mantsa ng du
