ZIA SAN FILIPE’S POINT OF VIEW
“Ate Zia, nasabi na sa’yo ni Daddy?” tanong ni Kier at napakunot naman ang noo ko.
“Ang alin? Wala namang nasasabi si daddy mo sa akin,” sagot ko. Saktong bumaba na si Norman mula sa kuwarto nito. Inaayos nito ang necktie at lumapit sa kanya si Kier.
“Daddy, hindi mo sinabi kay Ate Zia?” sabi nito at napatampal naman ng noo si Norman.
“Ay oo nga pala! Sorry, I forgot,” sabi nito at lumapit sa akin para humalik.
“Bakit? Ano ba iyon?” tanong ko at inayos ang necktie na suot niya. Papasok na silang dalawa ngayon sa school at trabaho.
“I forgot to tell you na tutuloy si Kier mamaya kina Monique after school. Overnight as usual,” sabi ni Norman at tumango naman ako.
“May gamit ka naman doon kina Helga ‘di ba?” tanong ko at tumango si Kier sa ak
