NORMAN DELA VEGA’S POINT OF VIEW
“Himala at ikaw ang naghatid,” sabi ni Monique sa akin at umupo sa tabi ko. Binigyan niya ako ng isang can ng soda at agad ko naman itong tinanggap. Nasa waiting area kami dito sa school ng mga bata. Binuksan ko ang soda at ininom ito. Humagod ang malamig na inumin sa lalamunan ko.
“Nagpakita daw si Abigail dito. Nakausap niya si Kier,” sabi ko at nakita ko ang pag-ikot ng mga mata niya. Binuksan niya ang soda niya at uminom muna bago ako sinagot.
“She really knows kung kailan siya papasok sa buhay ng mga tao,” sagot niya sa akin. “She wants to get Kier. Mabuti na lang nakita ko at tumawag ng guards. Sinabi ko hindi namin kilala,” dagdag pa niya.
“Kier knows who she is. Sinabi ko kaninang umaga. naikwento niya sa amin ni Zia ang nangyari kaha
