Nang makalabas mula sa Ospital ay dumeritso na si Derrick sa pangalawang pantalan ng Mcorp. Dahil sa bilis ng kanyang pagmamaniho ay ilang minuto lamang ang itinagal at naroon na siya agad. Nagmamadali siya dahil sa Isang masamang balita ang bumungad sa kanya noong nasa Ospital pa lamang siya. Iniisip niyang wala na siyang ibang magagawa pa kung hindi ang e-postpone muna ang mga shipments na ipinupuslit niya sa ngayon lalo’t matagal-tagal na rin niyang ginagawa ang bagay na ’to. Mula sa pagawaan ng semento ng Mcorp ay lihim din siyang nagpupuslit ng mga droga upang ibaon sa ilalim ng sako-sakong semento. Maging ang pagde-deliver ng mga armas na walang dokumento ay ginagawa niya rin sa tulong ng mga produktong gawa ng Mcorp. Labis siyang pinagkakatiwalaan ni Onyx kaya nagagawa niya ang mga
