❀⊱┄┄┄┄┄┄┄┄┄⊰❀
Nagising ako ng may yumuyugyog sa aking balikat kaya kahit antok na antok pa ako ay pilit kong idinidilat ang mga mata ko. Malabo man ang nakikita ko pero alam kong si Harvey ito na nakangiti sa akin.
"Love, gising na dahil kailangan na naming umalis. Hindi ako pwedeng magtagal dito dahil magtataka na ang mga taong nagmamanman sa bawat kilos ko. Kailangan ko kayong protektahan kaya kahit ayokong umalis ay wala akong magagawa kung hindi ang iwanan ko muna kayo dito. Sasabay na kami kay Carl dahil hindi pwedeng mauna pa si Carl kaysa sa amin. Tulog pa ang mga bata kaya ikaw na ang bahalang mag dahilan sa kanila kung bakit kailangan kong umalis na," wika ni Harvey kaya bigla akong napabangon. Napatingin ako sa aking katawan. Nakabihis na ako. Mukhang binihisan na ako ni Harvey
