الفصل السادس عشر

4709 Words

ايهاب يضيق حاجبه وينظر لها بغضب ثم يردد،، - حاجه ايه ياهايدي اللي مش هصدقك فيها؟ هايدي بدموع التماسيح تقول،،، - انت رفضت حبي ليك قبل كده، برغم انك عارف اني بحبك ياهوبا، بس انا مش هستحمل اشوفك مخدوع وافضل ساكته ايهاب بحده وغضب، يرد عليها مرددا،،، - مخدوع ايه وكلام فارغ اخلصي ياهايدي عايزه توصلي لايه؟ هايدي بضيق وغل ترد،،، - من اللي عامله انها بتحبك وبتعشقك، وهي بتمثل عليك الشرف، والنزاهه، والمثل العليا ايهاب بقلق؛ تقصدي مين نور! هايدي ترد بثقه وكره،،،، - ايوة نور، هو في غيرها دخل حياتك، وناسيك الدنيا كلها ايهاب مستفهما،،، - مالها نور، انتي ليه مش عايزة تسبيها في حالها هايدي تقرب منه وتضع يدها علي وجنتيه وتحدثه بتأثر،،،، - انا لو متأكده من حبها واخلاصها مكنتش جبت سيرتها ولا اتكلمت عنها، واتمنتلك السعاده من قلبي، لكن انا كنت سهرانه مع مدير اعمال عادل، اكيد عارفه ايهاب اوما راسه بنعم ،،، - اه عارفه كويس، ماله هايدي بجديه تقول،،، - كنا بنتكلم وجت سيرة نور وبقوله عن حبها ليك وتفاجأت، رده وهو يضحك ويسخر من كلامي ويقولي انها علي علاقه مع عادل وفي اتفاق انها تمثل عليك الحب عشان ت**ر قلبك، انت عارف اللي بينك وبين عادل ايهاب بنظره عدم تصديق حديثها، ينظر لها ويقول،،، - مش ممكن نور تعمل كده ابدا، انتي كدابه، نور بتحبني انا، نور اطهر واشرف من الشرف هايدي تضحك بسخريه وتنظر له بتحدي ثم ترد قائله،،، - انا هثبتلك كلامي، بس ياريت متعمليش اي صوت، اسمع الكلام وبس وتمسك فونها تضغط علي رقم، وتنتظر الرد، ثم ترد هائله،، - حزوما ازيك وحشتني ياقلبي حازم بلهفه يرد،،، - دودو ازيك يابكاشه فينك، بقالك يومين محدش سمع صوتك هايدي بنبره بها دلع ترد،،، - يعني انت سألت عليا، اظاهر انا موحشتكش يشاور ايهاب بيده انها تختصر وتدخل في الموضوع حازم بنبره خبيثه يقول،،، - لا والله ياحببتي بس كنت مشغول اليومين دول، خصوصا اني كنت بجهز حفله في البيت عند عادل انما ايه لووز اللوز، مع بنت فرتيكه هايدي بدلع تقول،،، - عادل كل البنات اللي يعرفها جامدين، مين فيهم حازم بتوضيح، يقول،،، - يابنتي ما انا قولتلك، وحكتلك عنها اللي مدوخاه، مفيش غيرها نور زين الدين هايدي بتمثيل الدهشه تقول،،، - ده الكلام اللي قولتله بجد وحقيقي بقي، مش هزار، انا كنت فكراك سكرت يازومتي حازم يضحك ويقول،،، - انا مش بسكر حتي لو شربت المحيط، وكل كلمه قولتهالك حقيقي، عادل بيحبها من زمان، من قبل ما تشتغل عند ايهاب، وطلبها للجواز بس رفضت، اظاهر ملهاش غير في الشمال هايدي بذهول ترد،،، - هو في حد برضو يرفض عادل فهمي حازم بضيق يقول،، - تقولي ايه بقى، وش فقر وبتحب الشمال، بس بصراحه عادل بيموت فيها، وباين عليها بساطه اوي، ده مخليني عامل جو ولا في السيما يابنتي، حاجه كده وهم، وكل ما بتيجي بيعلن حالة طوارئ في البيت هايدي بعدم تصديق تقول،، - ياااه للدرجه دي حازم يضحك بشده ويقول،،، - واكتر وحياتك، ده بيبقي علي نار طول ما هي عند ايهاب، بس كله شغل، وهو نفسه في اي حاجه ت**ر قلب صاحبك هايدي مستفسره منه،،، - ليه بس هو كان عمله ايه ايهاب، عشان يعمل فيه كده؟ حازم بضيق يرد،،، - مش عارف بس الواضح ان بينهم موضوع كبير وسر محدش يعرفه غيرهم هايدي ببتسامه نصر، تنظر اليه مردده،،، - اوك يازومتي اشوفك بالليل اوعي تتاخر عليا، وسلملي علي عادل وتغلق معه وتتوجه اليه، فتجده جالسا واضع يده علي راسه، شاردا لا يصدق ما سمعته اذناه، فهتفت له مردده،، - صدقتني بقي لما قولتلك انها بتمثل عليك دور الحب، والشرف والعزه، والكرامه، اهي مقضياها سهرات شمال مع عادل ايهاب بغضب وحده يقول،،، - اخرسي اوعي تقولي كده، مش ممكن بعد كل الحب اللي بينا نور تعمل كده ابدا، مش ممكن، انا مستحيل اصدقه، اي حد غير نور، الا نور، انتي فاهمه الا نور"قالها وقلبه يعتصر ألما" وفي أثناء حديثهم ينتبه الي رنه فونه معلنه عن وصول رسالة واتساب، فقام بفتحها وكانت ثاني صدمه حين سمع ما بداخلها، فكانت لمكالمه بين نور وعادل نصها هو،، المكالمه عادل، مساء الخير يانور نور؛ مساء الخير يا عادل عادل؛ انتي عارفه اني معجب بيكي اد ايه، خصوصا عجبتيني اخر مرة نور؛ ده يسعدني عادل؛ طيب نتقابل وهتنبقي ليله متتنسيش ابدا، هن**ر الدنيا نور؛ شوقتني ليها عادل؛ اقابلك في البيت عندي نور :خلاص اتفقنا الساعه ٩ هكون عندك وهرن عليك، بس ياريت متأخرنيش عشان ايهاب ميقلقش عليا عادل؛ متخافيش نور؛ اوك ياعادل مع السلامه يجلس ايهاب وهو في حاله صدمه، ولا يستطيع ان يتحدث، فهو احب بل عشق من **رت قلبه، من مثلت عليه العشق والبراءة، ثم اذاقته مرار الخداع والخيانه، لماذا بعد كل هذا الحب تفعل به هكذا، ولاجل من؟ من اجل عادل لثاني مرة يطعنه بنفس السكين في قلبه،، ففاق علي صوت هايدى تنادي عليه،، - إيهاب،، ايهاب رد عليا، صدقتني بقي اهي المكالمه جت في وقتها، عشان تبيلك صدق كلامي، واني همي مصلحتك وخايقه عليك ايهاب ينظر لها نظرة م**وره حزينه، ثم يقول،،، - انا بقيت معنديش ثقه في اي حد، لو سمحت سبيني دلوقتي ياهايدي عايز اكون مع نفسي هايدي تمثل انها متأثرة،، - انا مقدرش اسيبك خالص، انت لازم تتاكد بنفسك من صدق المكالمه، الساعه دلوقتي ٨ اكيد هتيجي تقولك انها عندها معاد، انت تمشي وراها وتشوف هتروح فين وهنا تفتح الباب نور، لتجد هايدي بالقرب منه فتسالها بكل غضب،،، - انتي ايه اللي جابك هنا، وبتعملي ايه ممكن افهم؟ ايهاب ينظر لها بنظره حزينه ويرد،،، - هايدي جت عشان تجبلك هدومك وراحت علي الفيلا، وسبتهم هناك، عرفت اننا بتصور فجت تباركلي نور بغضب تقول،، - وباركت وشكرا ياستي، اتفضلي بقي من غير مطرود ايهاب بحده وغضب،، - نور، انا هنا اللي اقول مين يفضل ومين يمشي، اتفضلي شوفي وراكي ايه نور متعجبه هجومه عليها، واسلوبه الحاد معها، ف*نظر له نظرة ضيق ثم تقول،،، - ايهاب في ايه، اول مرة تكلمني كده ايهاب بنبره مخنوقه يقول،،، - اصل برضو مينفعش تدخلي من غير ما تستأذني، وكمان تطردي حد جيلي يباركلي نور تنظر له و الدموع تلمع في عيونها،،،، - انا اسفه، اهي عندك اشبع بيها، انا رايحه مشواري اللي قولتلك عليه إيهاب متسائلا،،، - تحبي اوصلك؟ نور بتوتر، وارتباك تقول،،،،، - لا مفيش داعي هاخد تا**ي، ومش هطول، هشوفها عايزة ايه وارجع علي طول، انت رايح في مكان ولا هتروح علي الفيلا إيهاب ينظر لها بلوم وعتاب،،، - لا هروح بعدك علي طول متتاخريش نور تنظر له بتوتر وتقول،،، حاضر، سلام ايهاب بحزن : سلام يانور وتنصرف وتتوجه لتستقل بسيارة توصلها الي المكان المراد، ثم ينتظر خروجها ليستقل سيارته ويراقبها، وهو يتمني بداخله انها تذهب الي بيت والدتها، ولكنه اتصدم حين وقفت امام منزل عادل وهاتفته، حينها الدنيا لفت به واخذ يض*ب علي مقود السياره بعنف، وهو يردد،، - ليه ليه يانور.... ليه ت**ريني كده......ليه تحطمي قلبي اللي حبك وتدوسي عليه... قلبي اللي اقدمتهولك بكل حب وامنتك عليه... ليه تعملي فيه كده،،، ليه ده انا كنت نفسي اقدملك نجمه من السماء وادهالك،،، ليه قبلتي حبي وعشقي بالخيانه،،، ليه اوهمتيني بالحب وعيشتيني في دنيا من الاحلام وبعدين فوقت علي كابوس اسمه وهم حبك وخيانتك، ليه ليه،،،، بس وحياة قلبي اللي عشقك لدفعك ثمن خيانتك ليا، واسقيكي من نفس الكأس اللي شربتيني منه، هسقيكي العذاب الوان،،، وينطلق باسرع سرعه الي الفيلا وبجواره هايدي التي **مت ان تكون معه،، وبعد مضي ربع ساعه تقريبا وصل إلى الفيلا، ثم دلف الي غرفه المكتب،، وكان في انتظار عودتها، وهايدي تنظر له وبداخلها فرحه عامره انها وصلت اليه اخيرا، وازاحت من امامها منافستها الشرسه نور، ولمعت فكره فهتفت له،،، - هتعمل ايه يا هوبا معاها كان يجوب الغرفه ذهاباََ واياباََ، في حاله لا يرسي لها مثل الثور الهائج الذي لا احد يستطيع ان يهديه مطلقا،،، - مش عارف ياهايدي، مش قادر افكر، بس انا لازم انتقم لقلبي اللي داست عليه، واعرفها ازاي تقرب وتتجرأ وتلعب مع ايهاب عمر هايدي ت**ت قليلا ثم تقول،،، - انا عندي فكره جهنميه ترد بيها عليها ايهاب ينظر لها والغضب متملك منه، ثم يقول،، - قولي بسرعه هايدي بنظره فرح علي وجهها،،، - انت لما تيجي تقولها انك عايزها تعمل حفله كبيره اوي وتعزم فيها كل الفنانين والمنتجيين، بمناسبة خطوبتك، هي هتفكر انها هي العروسه، تقوم انت قايلها انك هتخطبني، وبكده رديت القلم ليها، وياسيدي لو معجبكش الخطوبه مني ممكن تفسخها في اي وقت، ايه رايك؟ ايهاب يظل صامت يفكر ويفكر ثم هتف لها مردد،،، تقف نور امام برج الذي يسكنه عادل وتهاتفه ولكنه لا يرد عليها، فكان متعمد ذلك، ثم قام بالإتصال عليها،، - اسف يانور مسمعتش الفون انتي وصلتي نور بضيق تقول،،، - اه انا واقفه، منتظراك، ادخل الكافي ولا استناك عادل بنبره هادئه يقول،،، - لا انا نازل بسرعة اهو، ثوانى وهكون عندك وبعد اقل من ٥ دقائق نزل عادل وتوجه اليها، ودلفوا الي الكافيه وجلسوا، وتحدث لها - تحبي تشربي ايه؟ نور تنظر له وعلي وجها الضيق، ثم تقول،،، - مفيش داعي، مش عايزة اتاخر، دي اول مرة اخبي واكدب علي ايهاب في حاجه عادل بنبره غيرة وغل يقول،،، - للدرجة دي بتحبيه يانور نور بهيام وعشق صادق،،، - واكتر من الدرجه دي ياعادل، ايهاب هو النفس اللي بتنفسه، مش متخيله حياتي ازاي من غيره، انا ممكن اموت من غيره، ولولا انك قولتلي انك عايزني في موضوع يخص مصلحته مكنتش جيت ابدا عادل شعر بعذاب ضميره وندم علي فعلته ولكن للاسف بعد وفات الاوان؛؛ - انتي واثقه اوي كده في حبه يانور نور بنبره موكده،،، - طبعا، انا بثق فيه اكتر ما بثق في نفسي عادل بحزن يقول،،، - فعلا يابخته بحبك نور بحب ترد عليه،،، - وليه متقولش يابختي انا بحبه، يارب تلاقي ياعادل اللي تعشقك وتحبك، حب صادق كده عادل بنظرة حزينه يقول،،، - يارب، المهم اطلبك ايه عشان نتكلم في المهم نور بهدوء تقول،،، - اي عصير ياسيدي ويشاور للنادل، ويطلب عصير وفنجان قهوة له، وبعد مضي دقائق ياتي النادل ويضعهم علي المنضده ويتركهم في هدوء عادل ينظر اليها، ويقول بجديه،،، - بصي ياستي، انا معايا كلمات دويتو جميله جدا هنغنيها انا وانتي وايهاب، في اول تجربه تجمعنا احنا الثلاثه، الكلمات كويسه اوي وانا اتحمست بصراحه ليها خصوصا لما لاقيت فكرتها حلوه نور بنبره مشوقه،،، -فكرتها ايه؟ عادل يرد بحماس،،، -اثنين أصحاب اوي، حبوا نفس البنت وبيتنافسوا عليها، وهي هتختار واحد منهم، والتاني هيضحي بحبه عشان صديقه نور بنظره اعجاب،،، - حلوه اوي الفكره، واكيد انا بقي البنت، بس انا بقول من دلوقتي، انا اخترت إيهاب عادل بحزن،،،، - بس يارب هو كمان يكون اختارك يانور نور مبتسمه ثم تقول،،، - اكيد طبعا، ابعتلي كلماتها وانا باذن الله لما اروح هحاول اقنعه عادل ينظر لها بندم ثم يقول،،، - اوك، وانا في انتظار ردك عليا، عشان ارد علي المؤلف نور تنهض من مجلسها ثم تقول له،،، - تمام اتفقنا، همشي انا بقي عشان متأخرش، وسعيده جدا بمقابلتك عادل بابتسامة يقول،،، - انا اسعد. واتمني نتعاون مع بعض، بس اشربي العصير نور متعذره منه،،، - معلش مرة تانيه، مع السلامه وتتركه وتذهب الي معشوقها، وهي سعيده بفكره الدويتو، وتمنت انها تحاول ان تقنعه، وبعد مضي بعد الوقت وصلت، ثم سألت عنه سالي، فأجابتها انه في غرفه المكتب، فطرقت باب الغرفه، فحاول جيدا ان يكون طبيعيا، وأذن لها بالدخول،، - حبيبي اتاخرت عليك،ثم نظرت لهايدي هاتفتها، انتي لسه معاه لحد دلوقتى ايهاب ينظر لها ويقول بحده،،، - ملكيش دعوه بهايدي، ازي والدتك عامله ايه؟ ياتري كانت عايزاكي في ايه؟ نور بتردد،،، - مفيش بعدين هقولك علي كل حاجه، مش دلوقتي، لما نبقي لوحدنا هايدي تنظر له بابتسامة ودلع ثم تقول،،، - طب استأذن انا ياهوبا، وشوف كده هتقرر ايه وبلغني ايهاب ينظر لها ويقول بحده،،، - لا استني ياهايدي ويقرب منها ويضع يده علي خصرها، فتصبح بين احضانه، تحت نظر نور التي أنصدمت من فعلته فتصرخ به مردده،،، - ايهاب انت ايه اللي بتعمله ده، ازاي تمسكها كده وتقربها منك بالشكل ده ايهاب بحده، ونبره رسميه يقول،،، - نور بما انك مديرة اعمالي، عايزك تحضري حفله وتعزمي فيها كل فنانين مصر، والشخصيات المهمه في البلد نور بتعجب،،، - ليه بمناسبه ايه؟ ايهاب وهو يقربها اكثر منه،،، - بمناسبة خطوبتي نور بعدم تصديق،،، - خطوبتك ازاي!... علي مين! ايهاب محاولا تمثيل الابتسامه علي وجهه يقول،،، علي هايدي يانور نور تنظر له وشلال من الدموع تتساقط علي وجنتيها، وهي ممسكه برأسها اثر دوران مفاجأ، تشعر انها في كابوس وتريد ان تفوق منه، وهو ينظر لها وقلبه يعتصر من شده الالم، ويقول بداخله "انتي السبب،، انتي اللي اخلتيني اعمل كده" فنتبه علي صوتها وهي تصرخ ومقتربه منه وتض*به بيدها علي ص*ره ثم تردد،،، - انت اكيد مش وعيك، انت مستوعب بتقول ايه، ازاي، وليه وامتي، احنا كنا لسه مع بعض، كنا لسه بنحلم ونرسم احلامنا، ونخطط هنعمل ايه، معقول كل ده كان حلم وصحيت منه على كابوس ايهاب ببرود مصطنع يقول،،، - اد*كي قولتي، حلم، وصحيتي منه، اوعي تكوني فاكره انك **بتي الرهان، لا انا سبتك بس كده تتوهمي انك **بتي، وعيشتك الدنيا اللي كنتي نفسك تعيشي فيها، وخلاص فوقتك علي الحقيقه، مش ايهاب عمر اللي يستسلم بسهوله كده، ويخسر اي رهان يانور، فوقي من احلامك، اوعي تكوني صدقتي اني هيمان في حبك ومش قادر علي بعدك، لا اصحي وفوقي، انا بس حبيت تكوني من حريم ايهاب عمر وتضافي للاسته المعجبات نور تنظر له ب**ره قلب عاشق، فتجلس علي اقرب مقعد امامها، ثم تقول،،، - فوقتني يعني كل اللي كان بينا، وهم وحلم عشت فيه، ليه، عملت فيك ايه، رد عليا، ده مفيش حد في الكون كله عشق زي ما عشقتك، كنت ليك حبيبه بتخاف علي حبيبها،... وام بتحتضن ابنها بكل حب وحنان واهتمام،،، وصديقه بتشكلها همك،،،، ومديرة بتهتم بكل كبيره وصغيره في حياتك،،،، وعشيقه بتعشق التراب اللي بتمشي عليه،،، ايه تاني كان ناقص ومعملتهوش،، ليه ت**رني كده، ليه وانا كل ذنبي في حياتي اني هويتك وعشقتك ايهاب ينظر لها وقلبه يتمزق من الالم، ثم يرد عليها ببرود،، - انا حققتلك حلمك اللي عيشتي عمرك تحلمي بيه، قربي، ومش كده وبس كمان خليتك معروفه وهتشتهري، عايزة ليه تاني؟ نور تضحك بسخريه،،، - لأ تصدق كتر خيرك اوي يا ايهاب باشا، تعبتك معايا بصراحه، بس الحلم اللي بتتكلم عنه ده، انا لو كنت عايزة اوصله كنت وصلتله بكل سهوله، وانت عارف كده كويس، مكنش صعب عليا ادخل مجال الغناء خالص، بس انا كنت مركزه في وهم كبير اوي اسمه حبك ايهاب بنظره سخريه، يرد عليها مرددا،،، - وهو الحمدلله انك فوقتي، المده اللي متفقين عليها مش فاضل فيها كتير، يادوب تلحقي تجهزي للحفله وترجعي لحياتك تاني نور تنظر له بكل حزن والم، ثم تقول،،، - معقول بالسهوله دي ارجع ايهاب صامت وقلبه يتمزق، صعب عليه ان يصدق ما سمعته اذناه، ولكنه اتاكد بعيونه، ولكن التي امامه مستحيل تكون بكل هذه الجدارة في التمثيل عليه، قلبه يصرخ من الالم ولايصدق، ولكن قد نفذ السهم في قلوبهم،، نور تنهض َتقف امامه بكل كبرياء ومحاوله ان تتماسك فرددت له،،،، - حاضر يا ايهاب باشا، الحفله هتكون جاهزة في جنينه الفيلا، وهعزم كل الفنانين ، وبعدها هتكون اخر مرة هتشوفني فيها، والف مبروك إيهاب شعر بغصه في قلبه عند سماعه انه لم يراها مرة ثانيه، ولكن عقله انتصر على قلبه فقال لها،، - اللي تشوفيه يانور، انا مش هتمسك بيكي وانتي مش عايزة، براحتك، انا اهم حاجه عندي الحفله نور بصدمه اكبر، تصرخ مردده ،، - للدرجه دي خلاص يا ايهاب،،، وتنهار وتتركه وتركض مسرعه وتاخذ سيارتها وتجلس بداخلها وتصرخ بأعلى طبقات صوتها وتضغط علي مقود السياره وهي تردد آآآآآآه آآآآآآه وتبكي بانهيار، ثم تضع حامل الامان وتنطلق علي بيت اسرتها، فتتفاجأ والدتها ووالدها بحالتها فسالتها سميه،،، - مالك يانور، ايه اللي حصل خلاكي كده، يابنتي انطقي حرام عليكي زين محاولا تهدئتها ثم يقول،،، - استني بس يا سميه، تدخل وتهدي عشان تحكي، ادخلي بس اعمل لها ليمون عشان تهدي سميه بحده تقول،، - مش هدخل ولا هعمل حاجة غير لما اطمن عليها نور تبكي بانهيار،،، - خلاص ياماما... كل احلامي اللي عشت فيها اتهدت فوق دماغي.... كل حاجه ضاعت، انا انتهيت، نور ات**رت، قلبي ات**ر وداس عليه برجليه، انا انتهيت اااااه اااه،،،،، عرف يمثل عليا الحب والعشق، اوهمني بحبه اللي صدقته وعشت معاه اجمل حلم في عمري وفوقني علي كابوس مرعب،،، خلاص انا ات**رت ياماما،، انا انتهيت ااااه زين ياخذها في حضنه ويضمها اليه،،، - اهدي بس ياحببتي، لا عاش ولا كان اللي ي**رك وانا عايش علي وش الدنيا، انا سندك، ظهرك ياقلب ابوكي، بطلي عياط واحكيلي عمل فيكى ايهاب نور ببكاء وانهيار تقول،،،، - حطمني، وداس علي قلبي اللي عشقه، رفعني الي سابع سما، وعيشني في الاحلام الورديه، وبعدين نزلني وخسف بيا الي سابع ارض، عيشني اجمل قصة حب، وصدقته وهمني انه بيعشقني وصدقته، قالي خلاص انا كل دنيته ونورت حياته الظلمه وصدقته، كان كدبه ووهم كبير عشته، اسعد ايام حياتي عشتها في قربه، وصحيت على كابوس، كابوس فظيع فظيع، فوقني منه يابابا عايزه اصحي منه وارجع الي دنيتي، ارجوك عايزة افوق، عايزة افوق، ياما قالي انه هيكون سندي وظهري، وانه عمره ما يجرحني ولا ي**ر بخاطري، لكن الجرح جه منه يابابا، جه منه هو، يا ريته كان من حد تاني كنت هستقوي بيه لكن لما يكون من الحبيب بيبقي اصعب بكتير يابابا وهنا تفقد نور وعيها لتصرخ سميه، بنتي بنتي نور فوقي، نور،،اتصل بالدكتور يا زين بسرعه،،، ويقوم بالاتصال بالطبيب اسامه الذي يسكن في نفس البرج، فياتي مسرعا، ويقوم بالكشف عليها، ويعطي لها حقنه مهدئه، ويتحدث،، - نور ضغطها عالي جداَ، وده مش كويس ممكن يؤدي الي مشاكل لا قدر الله، وكمان شكلها اتعرضت لانفعال شديد جدا، ياريت تبعدوها عن اي انفعال الفترة دي، وتهتم بالاكل كويس، يكون من غير ملح زياده، انا ادتها العلاج وهي نايمه دلوقتي، وهبقي اعدي عليها بكره قبل ما اروح العياده زين بنظر له بحزن ثم يقول،، - الف شكر يا اسامه يابني تعبتك معايا اسامه ينظرله ببتسامه يرد،،، - مفيش تعب ياعمي، نور زي اختي، ربنا يطمنا عليها زين؛ يارب ويقوم بتوصيله، ثم يتوجه الي غرفة ابنته، فيجد سميه بجانبها، فيقترب منها ويهمس لها،، - تعالي ياسميه سبيها ترتاح، وبكره نبقي نفهم ايه اللي حصل سمية بعتراض تقول،،، - انا مش هروح في حته، هفضل جنب بنتي للصبح هنام هنا زين بنظره ترجي يقول،،، - ياسميه طب قومي، نتكلم برة سميه تخرج معه،،، - عايز ايه مني، اديني خرجت زين بهدوء يرد،،، - عايزك تسبيها ترتاح والصباح يحلها الف حلال سميه ببكاء تقول،،، - مش جيلي قلب اسبها يازين، قلبي بيتقطع لما شوفتها منهارة كده، ياما حذرتها منه، ومكنتش بتسمع الكلام، ياما قولتها بلاش تجري وراء قلبك ايهاب هي**ره، مكنتش بتصدق، عاجبك اللي حصلها مش انت كنت بتشجعها وتوافقها زين بنظره حزن وألم يرد،،،، - كان لازم تخوض التجربه بنفسها، بنتك مش صغيرة عشان نفرض عليها رأينا سميه بنظره لوم وعتاب تقول،،،، - واهو ادي النتيجه، اللي وصلنا ليها مبسوط بقي زين بألم يقول،،، - طبعا مش مبسوط ولا مرتاح، انا مش قادر اصدق ان ايهاب ممكن يأذيها كده، انا راجل واعرف اذا كان راجل زي بيحب بجد، ولا بيضحك ويمثل، وايهاب انا واثق انه بيحب نور، بس في لغز في الموضوع سميه تنظر له وتلوح بيدها، ثم تقول،، - لا لغز ولا حاجه، ده واحد لاقي بنت زي القمر بتعشقه وبتقدمله نفسها بكل العشق اللي جواها علي طبق من فضه، هيرفض مش ممكن قال وماله تتسلي واعيش يومين حلوين، وانت عارفه كويس كل يوم له قصه مع بنت شكل، انا مش عارفه ازاي كان عقلنا لما وافقنا بجنان بنتك وسمحنا ليها تقرب منه كده، الراجل لو مكنش يتعب ويلف ورا البنت اللي بيحبها مش هيعرف قيمتها ولا يقدرها، لكن نور عملت الع** للاسف زين ينظر لها بأسى، ثم يقول،،، - لا ياسمية بلاش تظلميه، انا احساسي عمره ما كدب سميه تنظر له بضيق ثم تقول،،، - خليك انت في احساسك وانا هدخل لابنتي اطمن عليها. وتركته شارد في تفكيره في مكان اخر نجد ايهاب مازال يجلس بمفرده في غرفه مكتبه، بعد ان طالب هايدي بان تتركه وتذهب الي منزلها، وظل علي وضعه فترة طويله وهو يفكر في من ظن انها جرحته، فشعر باهتزاز هاتفه، فنظر ليجد اسم صديقه فارس فرد عليه،، - فارس انت فين، اتصلت في وقتك فارس بنبره قلق يقول،،، - مالك يا ايهاب صوتك متغير ليه كده ايهاب بنبرة صوت مخنوقه جدا يقول،،،، - تعالي بسرعه انا في الفيلا متتاخرش عليا فارس بقلق يرد،،، - انا اساسا قريب منك، كنت جيلك اسهر معاك انت ونور ايهاب بحزن واسي،،، - نور خلاص سابتني يافارس فارس بصدمه ودهشه يقول،،، - ازاي سابتك، حصل ايه؟ ايهاب بخنقه يقول،،،، - لما تيجي هحكيلك علي كل حاجه فارس يرد عليه مرددا،،، - انا خلاص داخل من مدخل الفيلا، ثواني هكون عندك،،، وبعد مضي دقائق وصل فارس امامه فهاتفه بنبره كلها قلق - ايه اللي حصل احكيلي! وقص عليه كل ما حدث، حتي المكالمه التي ارسلت له من رقم مجهول فرد عليه،،، - وانت بقي صدقت كل ده، مش ممكن تكدب قلبك واحساسك، وتصدق، انا عمري ما شوفت بنت بتعشق زي مانور بتعشقك، دي كانت قايده صوابعها العشره شمع ليك، ازاي تصدق عنها الكلام الخايب ده، ومن مين، من هايدي اللي انا وانت عارفين عايزه ايه منك، وعايزه توصل علي كتافك وعاملاك سلم عشان تطلع عليه، طب ليه مواجهتهاش بكل ده ايهاب ينظر له ويرد بغضب قائلا،،، - اكيد هتنكر، ومش بعيد تكمل تمثلها فارس ينظر له بنبرة غاضبه وبحده يقول،،، - انت مقتنع بالكلام اللي بتقوله ده يا ايهاب، بص في عيني واجهني، انت مصدق ان نور تعمل كده ايهاب بتوتر وتوهان يرد،،،، - مش عارف، انا مش قادر اصدق، وفي نفس الوقت شوفتها بعيني واقفه امام بيته وهتطلع فارس بهدوء يقول،،، - شوفتها بعينك طالعه عنده ايهاب بتركيز يقول،،، - لا، كانت واقفه فارس يزفر انفاسا عاليا وتنهيده ثم يقول،،،، - يبقي لو كنت شوفتها عنده تبقي كنت تحاسبها يمكن رايحه تقا**ه عشان اي سبب تاني، مفكرتش في كده، في شغل مثلا ايهاب يضع يده علي راسه، محاولا تجميع افكاره، ثم يرد قائلا،، - طب ليه خبت عليا وكدبت وقالت انها عند والدتها، والمكالمه اللي كلها بتبين ان في علاقه مع بعض فارس ينظر له ويرد بنبره هادئه مرددا،، - بص حكايه انها خبت عليك وكدبت ممكن يكون عشان عارفه انك بتغير عليها ومردتش تزعلك، وانت بتقول كانت هتقولك لما تبقوا لوحدكم، يعني كانت هتقول، وانت مدتهاش فرصة، اما المكالمه بقي فدي مش قادر افهمها وهي الوحيده اللي عندها تفسير ليها ايهاب بغضب وضيق يقول،،، - ولا تفسير ولا حاجه، المكالمه واضحه ومبينه انها اد ايه انسانه حقيره، متستهلش حبي ليها، وانها انسانه مخادعه، وممثله بارعه، عرفت تمثل الحب عليها بكل براعه فارس يقترب منه وينظر في عينيه ويقول بنبره صادقه،،، - ايهاب بلاش تظلمها واسمع منها، متخليش غيرتك تعميك عن الحقيقية، وترجع تندم بعد كده ايهاب ينظر له وعيونه يتطاير منها الشرار والغضب، ثم يقول،، - اي حقيقة بتتكلم عنها، حقيقه حبي ليها، و*درها ليا، ولا حقيقيه كدبها وتمثلها عليا دور البريئه الشريفه وهي مدوراها مع عادل باشا فارس بحده وغضب يقول،،، - اخرس خالص، اوعي تغلط اكتر من كده، نور سمعتها سابقه اسمها، الوسط كله بيحلف انها بميت راجل، دي السجارة يا جدع عمرها ما مسكتها ولا طاوعت اي حد ولا شربت ولا ليها في المسخرة والهلس، فوق ومتخليش غيرتك وغضبك يعموا عينك، انا مش هدافع عنها وهي مش كويسه مستحيل، انت ابدالي منها، بس انا مشفتش منها غير كل حب وعشق لخويا ويصعب عليا يا ايهاب انك تظلمها، بلاش تمشي في سكه تندم عليها بعد كده، انت لو خسرت نور عمرك ما هتعوضها ابدا ايهاب بحسره، وحزن يرد،،، - انا خسرتها اصلا خلاص فارس بنبره حزينه يقول،،، - مش عارف اقولك ايه بس انا حاسس انها مظلومه، طب ادخل يمكن افهم منها ايهاب بحده،،، - اوعي يافارس، انا هعرفها مين ايهاب فارس ينظر له باسي، ثم يقول،،، - ربنا يهد*ك يا إيهاب ويتركه ويفكر في كل حديثه الذي يردد في اذنه فيسأل نفسه سؤال،، - ممكن فعلا تكون نور مظلومه، وانا ظلمتها بس ازاي، وكل حاجه بدينها،، يارب نور بصيرتي، ثم يتوجه الي غرفته وياخذ حمامه لينعش جسده، لعل الماء البارد يبرد ما بداخله من نار، ثم ينتهي بعد فترة ويجهز ملابسه حتي يرتديها، وهنا يشعر بفرق وجودها في حياته، فكان لا يفعل شيء ولا يفكر في امر، فكانت تقوم بكل شيء من اجله، تحضير ملابسه، وطعامه وشغله،، كل شيء،، ياله من احساس بالفراغ حقا كيف سيعيش، بدونها، وهي اصبحت كل دنيته،،، ليغفل ويغلبه سلطان نومه " باك " هادي ينظر لها نظره حزينه ثم يقول،،،، - ياااه يانور، كل ده حصلك نور بألم وحزن : واكتر من كده كمان هادي بنظره دهشه يقول،،، - ازاي في ايه تاني، اكتر من كده! نور بحزن تقول،،، - هقولك بكره عشان تعبت يادكتور هادي وعلي وجهه علامات الفضول الشديده يقول،،، - اوك يانور، أشوفك بكره، مع اني عايز اخلص جلساتنا قبل ما اخد اجازة الجواز نور تنظر له وتقول بحزن،،، - قربنا خلاص متقلقش، ويارب يقدرني واخرج عشان اغنيلك في فرحك هادي بفرحه يقول،، - بجد يانور هتغنيلي، مع اني مكنتش ناوي اعمل فرح بس عشان خاطرك انتي هعمل فرح نور ببتسامه حب وتقدير تقول،،، - ليه يادكتور عشان تفرح وتفرح العروسه وكل اهلها، ربنا يسعدك يارب هادي ينظر لها بحب قائلا،، - ويسعدك يانور، وينور بصيرتك يارب نور؛ يارب وينصرف ليتوجه الي مكتبه ليفرغ الجلسه وينتبه ان فونه مغلق، فيقوم بفتحه ويكتشف ان معتز حاول الاتصال به اكثر من مره، فقام بالاتصال به،، - ايوه يا معتز، عملت ايه مع دكتور شريف معتز بنبرة ارتياح يقول،،، - الحمد لله كله تمام وهبدأ من بكره باذن الله هادي بنبره هادئه يقول،،، - طب تمام، اخبار حلوه، انت فين كده؟ معتز بنبره صوت مخنوقه، يقول،،، - انا روحت، اتصلت عليك كتير عشان تكلم السمسار، بس لما مردتش كلمته وروحنا الشقه، وهيشوف بايع ويبعها هادي معتذرا،،،، - معلش كنت في الجلسه ولسه مخلص، طيب كويس انك انجزت، انا مش هتاخر هفرغ الجلسه، وهجيلك علي طول، اوعي تنام عشان نسمه واهلها هيجوا النهارده معتز يرد قائلا،،، - حاضر مش هنام، هستناك بس متتاخرش، عشان مكنش لوحدي هادي؛ حاضر، سلام ويغلق معه وينهمك في عمله، ويمر الوقت، ثم ينتبه بموعد الانصراف، فيتوجه الي منزله، فيجد اهل عروسه بالداخل، فيدخل ويلقي التحيه عليهم جميعا، - السلام عليكم ورحمة الله وبركاته نسمه بحب،،، - وعليكوا السلام ورحمة الله وبركاته، اتاخرت ليه كده هادي مبتسما لها، ثم يقول،، - معلش سامحيني، يادوب لسه مخلص، مش تعرفيني مين الانسه نسمه بحب ممسكه يد جنه ثم تقول،،، - دي جنة بنت عمتو ليلي، وزي اختي واكتر كمان، تقدر تقول كده انتمتي وتوأمي هادي يبتسم لها ثم يقول،،، - اهلا وسهلا، عقبالك يا انسه جنه جنه تنظر له بخجل ثم تقول،،، - الف مبرووك يادكتور، بس مفيش داعي لانسه انام مش بحب الرسميات خالص هادي بضحك لها ثم يقول،،، - الله يبارك فيكي ياجنة اهو من غير انسه، امال معتز فين يانسمه نسمه؛ كان لسه موجود، كان واقف مع بابا، ثواني اسأله نسمه تتوجه لوالدها متسائله اياه مردده ،،، - بابا مشفتش معتز فين، هادي بيسأل عليه؟ سليم ينظر بجانبه يميناََ ويساراََ، ثم يقول،،، - كان واقف معايا وبعدين استأذن هادي ينظر له ثم يقول،،، - هروح اشوفه شكرا ياعمي تركه وبحث عنه في الشقه، فوجده شاردا حزينا واقفا داخل غرفته بجانب الشرفه، وبيده سجارته،،، - مالك يامعتز واقف لوحدك ليه كده، وسايب حمايا بره معتز ينظر له بحب ثم يقول،،، - لا ابدا انا كنت واقف معاه بس حبيت اشرب سجارة، فجيت اشربها هادي ينظر له ويقترب منه ثم يقول،،،، - متخبيش عليا، الموضوع مش سيجاره، كنت سرحان في ايه؟ معتز ينظر امامه شاردا، ثم يقول،،،، - افتكرت يوم ما كنت بفرش شقتي، وسعادة الدنيا كلها جوايا، اني اخيرا حققت حلمي وهتجوز اللي بحلم بيها، اللي عاشنها بعت ورثي وارضي عشان اشتري العفش اللي عايزاه وفي الاخر اخدته بدون وجه حق هادي ينظر له نظره حزينه ثم يقول،،، - احنا قولنا ايه، مش قولتك سيب حقك ربنا هيجيبه لحد عندك ومتزعلش نفسك، عوض ربنا كبير اوي معتز بتنهيده يقول،،، ونعم بالله هادي ينظر له ويتسائل،،،، - اه انت سلمت على قريبه نسمه معتز أومأ راسه، ثم قال،،، - اه شوفتها بس متكلمتش معاها بصراحه، بس لاحظت انها بتحب نسمه اوي هادي ينظر له وعلي وجهه ابتسامه ثم يردد قائلا،،، - اه نسمه بتقولي انها بتعتبرها اختها مش بنت عمتها، تعالي لما اعرفك عليها، بنت دمها خفيف، وشكلها مجنونه زيك معتز يبتسم له ثم يقول،،، - ايه دكترة انت اخدت نصيبك خلاص؟ هادي يوكزه في كتفه مرددا ،،، - انا غلطان مش هعرفك عليها معتز يضحك، ثم يقول،،، - لا خلاص تعالي بس عرفني عليها، هي من وقت ما جت وهي مش مبطله ضحك وهزار، بس ات**فت اكلمها ويتوجهوا الي لنسمه وجنه ويقدمها لمعتز، فتبتسم له ابتسامه مشرقه سحرته من اول نظرة، فتعجب لسرعه دقات قلبه، فشعر بربيع يسري بداخله، وسرح في عيونها السوداء بلون الليل الكاحل ورموشها الطويله، وغاص في لون شعرها الاسود الطويل المندثر علي ظهرها، ففاق حين وكزه بخفة في كتفه وهمس له،، - مالك ياعم الحبيب، ايه السرحان ده، هناكل البنت بعينك، دي ياعيني ات**فت ووشها جاب الوان معتز ينظر له ويهمس مرددا،،، - مش عارف اول مرة بنت تجذبني كده، واتشد ليها بالطريقه دي هادي بنبره تحذيريه يقول،،،، - اوعي تتسرع يامعتز، انت لسه خارج من تجربه صعبه، خد وقتك معتز ينظر له ويرد بثقه قائلا،، - متقلقش عليا، انا عارف هداوي جرحي ازاي جنة تتحدث مع نفسها مردده،، - ماله المجنون ده بيبصلي كده ليه، هو شكله اه امور وموزر بس برضو مش طبيعي، طب وانا مالي يبص ولا ميبصش انتي من امتي يا جنة بتهتمي بحد ولا بيعجبك حد اصلا،،،، يعجبك! معقول اكون اعجبت بيه، بالسرعه دي لا مش ممكن، فوقي ياجنة، انتي متعرفيش عنه حاجة خالص، بس مش عارفه فيه حاجه بتشد، زي المغناطيس مش قادره اقاوم نظره عيونه والحزن اللي فيها، شكلك حكايه يادكتور معتز

Free reading for new users

Scan code to download app

App Store Google Play

Facebookexpand_more