الفصل السابع عشر

3692 Words

تجلس جنة في غرفة نسمه بعد ان انتهت من ترتيبها، وهي شارده في من خ*ف قلبها قبل عقلها، سارحه في نظرة عيونه الحزينه، وبها فضول لمعرفه كل شيء عنه، فنتبهت لصوت نسمه تناديها قائله،،،،، - جنة... جنة.. ايه يابنتي سرحتي في ايه بكلمك من بدري مش بتردي عليا جنة تنتبه لها، ثم تنظر لها بعين ذائغه، ثم تقول،،، - هااا بتقول حاجة نسمه تضع يدها على خصرها وتنظر لها متعجبه، ثم تهتف قائله،،، - بقول حاجه، انا بقول من بدري، وانتي ولا هنا جنة بتوتر تقول،،، - مفيش قولي كنتي عايزة ايه؟ نسمه تقترب منها ثم تقول،،، - بقولك تحبي ندخل نفرش المطبخ الاول، ولا نفرش حاجات النيش جنة ترفع سبابتها في وجهها وتقول بنبره امره لها،،،، - لها لا ياستي، انتي افرشي المطبخ عشان تكوني عارفه اماكن كل حاجه، وانا هفرشلك النيش نسمه ببتسامه ترد،،، - تمام يالا بينا بقي جنة محتضنه كتفيها وتقول،،، - يالا ياقلبي، بقولك ايه يانسمه انتي تعرفي ايه عن دكتور معتز؟ نسمه بتنظر لها وعليها علامات التعجب،،،، - بتسالي ليه، هي الصنارة غمزت ولا ايه! جنة بنظره عابسه تقول،،، - صنارة اية وسمك ايه، انا بسال عادي، اصلي ملاحظه عليه انه طول الوقت سرحان، وعيونه حزينه اوي نسمه بتعجب وذهول ترد،،، - يااانهاري عليكي، انتي لحقتي تركزي معاه في كل ده، بصي ياستي اللي اعرفه، انه مر ب*روف صعبة جدا، ولسه منفصل عن زوجته، وعاقد مع هادي هنا لحد ما نتجوز جنة بنظره اسى تود،،، - يااه كل ده مر بيه عشان كده شكله حزين، ربنا يعوض عليه نسمه تنظر لها وعلي وجهها ابتسامه ثم تقول،،، يارب، مع اني حاسه كده ان ربنا استجاب، وهفرح فيكي قريب ياجوجو جنة بابتسامة وخجل،،، تفتكري ان الاوان وعقدتي تتفك نسمه تنظر لها بضيق وترد،،، - عقده ايه يابنتي، انتي هتشبهي نفسك، انتي بس اللي مش بيعجبك العجب، وياعالم النصيب فين جنة تنظر لها بنظره تفائل ثم تقول،،، - عندك حق، ربنا يفعل الخير، يالا نقوم نشوف حالنا وتتجه نسمه الي المطبخ، وجنة الي السفرة لترص وترتب النيش، فتقف علي السلم الخشبي لترص قطع الصيني في الرف العلوي، واذا بالسلم يهتز بها فتحاول ان تضع ما بيدها حتي لا يتحطم، ناسيه في انقاذ نفسها، وتنجح في وضعه، وبعدها لا تستطيع انقاذ نفسها فتقع، فيلاحظ المشهد معتز، فينهض لالحاقها، وبالفعل ينجح وتقع بين يده، وهنا تلاقت اعينهم، في نظرة مطوله تحمل اسمي معاني الحب، فشعر معتز ان قلبه كاد ان يقف بسبب زياده دقاته، فسأل قلبه مردد،، - في إيه مالك ياقلبي، بتدق اوي كده ليه، اول مره تحصلك، حتي في عز حبك لنانسي، مكنتش بدق كده، انا حاسس انها سامعك، اهدي كده هتفضحنا،، ففاق علي صوتها وهي تحدثه بكل رقه وهي هيمانه في سحر عينيه،،، - شكرا يا دكتور معتز، لولاك كنت وقعت، ميرسي ليك اوي معتز يحاول ان يجمع انفاسه، فنظر لها مبتسما ثم ردد،،، - العفو، انا معملتش غير الواجب، "ثم همس بنبرة تكاد لا تسمع، لكنها وصلت اليها" ، اظاهر انا اللي وقعت مش انتي جنة مبتسمه : انت بتقول حاجه معتز بتوتر يرد،،، - ها لا ابدا مش بقول، تحبي اساعدك جنة بفرحه ترد،،،، - ياريت، ممكن تناولني الحاجات دي وانا هرصها، هتعرف معتز بنبره بها حماس وسعاده يقول،،، - انا طبعا، دي حاجه سهله اوي، تحبي بندأ باي نوع جنه تنظر للجميع ثم تقول،،، - ناولني الصيني الاول، نخلص، وبعدين الكاسات معتز يناغشها، ويرد مبتسماََ،،، - اوك يامعنمي، انتِ تأمري جنة تضحك بأعلي طبقات صوتها علي جملته، ثم وتقول،،، - معنمي يانهاري عليك، انت جبتها منين الكلمه دي معتز ينظر لها سارحا في رنة ضحكتها التي اسرته ثم ردد قائلا،،،، - تصدقي انتي ضحكتك حلوه اووي، بتنور كده الدنيا جنة تنظر له بخجل و**وف ترد قائله بهزار وضحك مردده،،، - ميرسي، يالا بقي يا يابيليه شوف شغلك معتز ينظر لها متعجبا، ثم قال،،، - ياخرابي من دكتور اد الدنيا لبيليه، الله يرحمك يا حاجه تعالي شوفي ابنك بقي بيليه "ويلطم علي وجنتيه وهو يضحك" جنه تقول بنبره تحذيريه وعلي وجهها ابتسامه ساحره،،، - عجبك ولا اشوف حد غيرك يساعدني، وتتحرم من اللقب؟ معتز مبتسماََ،،، - لا عاجبني انا اقدر اعترض يا معنمي ويتسمر الوضع بينهم، في هزار ومرح، وكأنهم يكتشفون بعضا، حتي تم انتهاء رصها للنيش، ف*نهدت هاتفه،،، - اخيرا خلصنا، ايه رايك؟ معتز ينظر لما رصت اياه، ثم يقول،،،، - بصي انا مش بفهم اوي في الحاجات دي، بس كمجمل بصراحه جميل جدا، تسلم ايدك، عقبال ما تفرشي شقتك يارب جنة ترد وهي ناظره له مردده،،، - شكرا، بس انا مش مرتبطه معتز متعجباََ،،، - معقول، هما الرجاله اتعمت ولا ايه جنة تضحك له وتقول،،، - لا متعمتش ولا حاجه، انا اللي لسه ملاقتش اللي يقتحم اسوار قلبي معتز متسائلا،،،، - مفيش ولا واحد خالص عرف يقتحمك، ليه انتي قلبك ده ايه مأمن نفسه اوي كده جنة بضحكه قالت له،،،، لا والله ده انا سهله اوي، بس عايزة واحد يخ*فني من اول لحظه يشدني كده، يغزو قلبي من غير اي استئذان، انت فهمني، يكون مجنون، حنون، يعيش معايا لحظات جنوني، وغضبي، وعصبيتي، شوف انا سهله ازاي، تفتكر ممكن الاقيه معتز ينظر لها بجرئه، ثم يقول،،، - اكيد باذن الله هتلاقي، ويمكن يكون قريب منك وانتي مش واخده بالك جنة بنظرة كلها اعجاب: ياريت وتنصرف من امامه، وقلبها يكاد ان يتوقف من سرعه دقاته، فتركض مسرعه الي المطبخ، وحين دلفت اخذت انفاسها بسرعه شديده وقلبها يدق ك الطبول، وعيناها ذائغه تنظر الي لا شئ، ثم تضع يداها علي قلبها وتبتسم ابتسامه مشرقه، ف*نظر لها نسمه متعجبه حالتها، ف*نزل ببطئ شديد علي السلم الذي تقف عليه، ثم تقترب اليها، وترفع يداها امام اعينها وتقول لها مردده،،، ياهووو جوجو وصلتي لحد فين؟ جنة تنظر لها بتركيز، ثم تردد قائله،، انا خلصت رص النيش تعالي شوفي نسمه تنظر لها نظره قلق ثم تقول،، مالك ياجنة دخلتي المطبخ تجري وبكلمك مش معايا خالص، و وشك مخطوف ليه كده، ومخضوضه ليه، في حد زعلك؟ مع اني اشك، ف*نظر لها اميرة وعلي وجهها التعجب ايضا ثم تقول،،، - جنة بجد انتي مالك هيمانه ليه كده، في ايه يابنت انطقي؟ جنة تبتلع ريقها بصعوبه وتقول بنبره متردده،،، - في ايه ياجماعة ما انا زي الفل اهو، انتو مالكوا مكبرين الموضوع ليه كده اميرة تنظر لها مبتسمه ثم تقول،،، - لا ابدا ياحببتي، احنا بنطمن عليكي، وشكلنا كده اطمنا ولا ايه يانسمه نسمة تضحك وتغمز لوالدتها ثم تقول،،،، - عندك حق يا ماما، انتي ملاحظة زي اميرة تضحك وتقول،،،، - دي واضحه زي نور الشمس، ربنا يصلحلك الحال يا حببتي، ويكتر ربنا افراحنا جنة تنظر لهم وتعبس حاجبها، ثم تقول،،، - لا انتوا كده افورتوا اوي، وعاقدين تتسلوا عليا، انا طالعه بره، ولو عايزة تشوفي النيش تعالي، مش عايزة براحتك وتنصرف بسرعه محاوله الهروب منهم، حيث انها اصبحت بالنسبه لهم كتاب مفتوح، وواضح اعجابها جدا به، فقررت ان تحاول ان تبتعد عنه، حتي لا يلاحظ خالها، ويفتضح امرها، فلاحظ معتز ابتعادها، فدلف الي هادي يسأله،، - هادي عايزك ممكن ثواني هادي يستأذن من حماه، ويذهب معه،،، خير مالك يا ابني معتز بنبرة قلق وتوتر يقول،،، - مش عارف جنة كانت بتكلم معايا وبتضحك وتهزر، ومرة واحده بتتجاهلني خالص، تفتكر ليه! هادي ينظر له ويقول بهدوء،،، - انت حقيقي مش عارف، مش ممكن، دي واضحه وضوح الشمس معتز بضيق يقول،،، - انا مش فاهم هادي يتأفف ويزفر انفاسه ثم قال،،، هفهمك وأمري لله جنة كده شكلها ابتدت تعجب بيك، وخايفة حد يلاحظ ده، اللي طبعا كلنا ملاحظينة، فقالت لنفسها اتجنبه عشان احافظ على شكلي، فهمت معتز وهو يضع يده علي جبهته في ض*به خفيفه،،، - معقول اكون بالغباء ده، وماخدتش بالي هادي يضحك ويقول،،، - عشان انت وقعت تحت تاثرها يامعتز، بس اللي مستغربه، معقول بالسرعه دي، انت لسه مطلق من كام يوم، لحقت تنسي نانسي معتز ينظر له نظره صدق ثم يقول،،، - تصدقيني لو اقولك انا نفسي مستغرب، ومش قادر افسر احساسي بيها، بس بس كل اللي اقدر اقوله لنفسي، اني لما اتكلمت معاها حسيت باحاسيس محستهاش قبل كده مع نانسي، حاسس زي ما اكون اتولدت من جديد، وعايز افضل اتكلم معاها مبطلش كلام، في اي موضوع، عايز اعيش معاها جنوننا وشقوتها، بفرح اوي لما اسمع ضحكتها، عارف انك هتقول ان كل ده مستعجل فيه، واني لسه شايفها النهارده بس، لكن صدقني هو ده اللي حاسه هادي يقترب منه ويضع يده علي كتفه، ثم يقول،،، - بص يامعتز انت في حاله تخبط عاطفي، مذبذب عاطفيا، لسه خارج من تجربه قاسيه، وبتحاول تداوي جرحك بواحده تانيه، علي مثال وداويني بالتي كانت هي الداء، اوعي تظلم جنه، او اي واحده غيرها، اختبر مشاعرك، وبلاش تستعجل وتبوح بيها اتعرفوا علي بعض، واللي فيه الخير، يقدمه ربنا معتز اومأ بالموافقه،،،، - حاضر ياهادي هعمل كده هادي يقول بجدية،،، -طب يالا بقي ندخل جوه، ميصحش اتاخرنا عليهم ويتوجون حيث يجلس حماه، وتبادلوا الحديث في هدوء، الي ان جاءت نسمه مردده،، - بابا احنا كده خلصنا كل حاجه سليم ينظر لها وعلي وجه الفرحه، ثم يردد،،، - مب**ك ياحببتي، اجهزي عشان نروح هادي ينظر له معترضا،،،، - لا تروحوا ايه، انا عازمكم علي العشاء بره في اي مكان تحبوه سليم معترض،،، يابني مفيش داعي، الوقت اتأخر، خليها مرة تانيه هادي بالحاح يقول،،،، - والله لا يمكن، حضرتك قبل كده قولت خليها مرة تانيه واهي جت المرة، مش هينفع اي اعتراض سليم بأستسلام يقول،، - خلاص يابني اللي تشوفه، اجهزي يانسمه ويستقلون سيارة هادي كلا من نسمه والاب وجنة تركب مع معتز في سيارته بعد الحاحه ان تركب معه هي ووالدة نور، واثناء سيرهم لم يكفوا عن فتح حوارات بينهم، مع مشاركة اميرة لهم، فقد كانت من وقت للحين تساعدهم لتكشف حقائق ومعلومات توضح لهم، ليتعارفوا اكثر، وبعد مضي حوالي نصف ساعه وصلوا الي المطعم، ثم حضر النادل وطلبوا أوردر الطعام، وتناولوا في جو من المرح والبهجة، ثم انتهوا وتوجهوا الي منزلهم، بعد قضاء وقت جميل، وودع هادي عروسه وطلبت منه، محادثتها عن وصوله الي منزله، وودع معتز من خ*فت قلبه جنة وطلب منها رقم هاتفها وسجله حتي يتيح له الفرصه بالتحدث معها في وقت اخر،، ثم استقلوا سيارتهم وتوجهوا الي منزلهم، وبعد فترة من الوقت وصل هادي ومعتز وصعد الي الشقه، وكل منهم يحمل في قلبه الحب والعشق، فقام هادي بتبديل ملابسه وهاتف نسمه محدثها،،،، -حبيبي نمتي نسمه بحب تقول،،، -انام ازاي وانا لسه مطمنتش عليك، حمدلله على السلامه يا قلبي هادي يستند علي فراشه ويقول،،، - الله يسلمك يا حبيبتي، الحمدلله الشقه وفرشتيها زي ما انتي عايزة، وانا بنام في غرفه مع معتز، مش فاضل غير نحدد معاد بقي للجواز، حددي يانسمتي بقي، عشان تنوري بيتك نسمه بشوق ترد،،،، - والله ياهادي انا نفسي النهاردة قبل بكره، بس في حاجات لسه انت مش فايقلها هادي متسائلا،،، -حاجات ايه دي؟!! نسمه موضحه،،،، - يعني مثلا لسه مخلصتش علاج نور، ازاي هتوقفها وهي في مرحله مهمه في علاجها هادي بنبره حزينه يقول،،، - عندك حق، بس هي الحمدلله قربت تخف، هي تتحسن كتير، مش فاضل غير انها تواجه الجميع واولهم ايهاب وعادل نسمه بنبره جديه، تقول،، - ركز مع نور، عشان عقلك يكون فايق ليا انا وبس هادي بحب وعشق يقول،،، - هو عقلي بس، ده عقلي وقلبي، وكلي هيكون فايقلك انتي وبس يا احلي نسمه دخلت حياتي، ياعوض ربنا ليا نسمه بهيام تقول،،،. - ويخليك ليا يارب وميحرمنيش منك ياحبيبي هادي بنبره حانيه يقول،،، - اه لو تعرفي يا نسمه كلمه حبيبي دي بتسعدني اد ايه، مش هتبطلي ابدا تقوليها نسمه بعشق،،، - طبعا حبيبي، ونور عيني، وحلم عمري حلمت بيه، واخيرا ربنا استجاب ليا وحققه، انت هديه ربنا ليا ياهادي هادي بنبره كلها اشتياق يقول،،،، - ياروح وقلب وعقل هادي، بصي يابنت الناس انا هجي بكره احدد معاد مع عمي سليم، انا عايزك من دلوقتي مليش فيه، مش هصبر نسمه تضحك وتقول،،، - اعقل ياهادي، هانت والله معلش استحمل عشان خاطر نور، انا عارفه معزتها عندك اد ايه، واكيد هتكون فرحان لو حضرت فرحنا هادي بنبره فرحه يقول،،، - انا فعلا هبقي سعيد، وفرحان اوي، بس عارفه سعادتي هتكمل لما تخف وتقف على رجليها وتتخطي كل الامها نسمه بنبره امل وحنان قالت،،، باذن الله حبيبي هتفرح وترجع احسن من الاول،، بس في حاجه عايزة اسألك عنها هادي؛ خير ياقلبي نسمه بنبره قلق وخوف تقول،،، - هادي انا ملاحظة ان معتز في نظرات بينه وبين جنة، ايه الحكايه، انت تضمنه، جنة دي رقيقه اوي هي تبان مجنونه، وشقيه، وشعنونه، بس والله هشه اوي واي حاجه تاثر فيها، انا خايفه عليها هادي يرد بهدوء،،،، - معتز طيب اوي يانسمه واتظلم كتير مع زوجته السابقه، وكان عايش في وهم كبير اسمه نانسي وعشقه ليها، بس الحمدلله ربنا نور بصيرته وشافها على حقيقتها وقرر ينفصل عنها، ويبدأ من جديد، يمكن تكون جنه عوض ربنا له، وحب يكافأه بانه حطها في طريقه عشان تعوضه اللي شافه منها نسمه بنبره ترجي تقول،،، - يارب يصلحلهم الحال هادي؛ آمين يارب العالمين، ويقربنا من بعض ياحبي نسمه؛ يارب،، ممكن بقي تستريح عشان تصحي فايق بكرة هادي : حاضر حببتي، تصبحي علي خير نسمه : وانت من اهل الجنه، مع السلامه وتغلق معه لتتوجه الي جنة ويستمروا في حواراتهم التي لا تنتهي ويبدا يوم جديد علي جميع ابطالنا، مشرق بالامل والحب والتفاءل،، فينهض هادي من نومه يستعد للتوجه الي المشفي مع معتز، وبعض مضي الوقت وصلوا وتوجه الي منهم الي مكتبه ليباشر عمله في همه ونشاط،، فأخذ هادي اشرطة الكاست وباقي أدواتة وتوجه الي غرفة نور طالبا الدخول،،، نور تعتدل في مجلسها ثم ردت قائله،، اتفضل يادكتور هادي ببتسامه قال،،، ازيك النهاردة، صحتك بخير نور ببتسامه مشرقه تقول،، - الحمدلله، لو علي الصحه كويسه بفضل الله، لكن القلب هو اللي مش كويس يادكتور، لسه بينذف هادي؛ بكرة يداوي يانور، صدقيني اللي جرحه هو اللي هيعرف يداويه نور بعتراض شديد تقول،،،، - مش ممكن يادكتور، ازاي هيعرف يداوي وهو اللي كان السبب هادي بهدوء يقول،،، - ماهو عشان السبب، هيعرف ازاي يداوي، بس انتي حاولي تسمعيه يمكن يكون له مبرراتة نور بحده،،، - اي مبرر يغفر له يادكتور، حتي لو سمعته عمري ما هقدر اسامحه او اغفرله هادي بنظرة ترجي يقول ،،، - طب ممكن نتكلم في الموضوع ده بعدين، لما تكوني مستعده للكلام عنه اتفقنا نور؛ اتفقنا يادكتور هادي؛ ممكن بقي تكملي حصل ايه بعد ما الدكتور مشي من عندك نور؛ عرفت انه اداني حقنه مهدئه ونمت صحيت الصبح، لاقيت ماما حببتي نايمه حاضنة ايدي بكل حب وحنان،، فصحتها بهدوء،، " فلاش باك" - ماما حببتي قومي نامي علي سريرك، ايه بس اللي نيمك هنا كده سمية تنظر لها وتلمس يدها علي شعرها في حنو مردده،،، - انا راحتي اني اطمن عليكي حببتي، احكيلي بس ايه اللي حصل وتقص نور كل ما حدث لها وهي تبكي بشده حتي انتهت من حديثها فردت عليها والدتها مردده،، - نور حببتي، حاولي تهدي ياقلبي، مش هقولك اني ياما حذرتك من قربه، وانك عيشتي وهم كبير في خيالك، لكن كل اللي هقوله حاولي تنسيه وتبداي حياتك من جديد، انتي جربتي وفشلتي معاه، هو ميستهلش حبك والله، هو اللي خسران مش انتي، انتي الف من يتمناكي نور تنظر لها ودموها كالشلال علي وجنتيها ثم تقول،،، - انسي... انسي ايه ولا ايه.. انسي حب عمري اللي عشت سنين وحلمت بيه،، انسي البيت والعيال اللي اتمنيت اجبهم منه،، ولا انسي كل ضحكه ولمسه، وهمسه منه،، ده وحشني وانا لسه غايبه عنه بقالي ساعات، ازاي هقدر،،، ازاي ياماما قوليلي،، ايهاب كان ومازال النفس اللي بنفسه، اعيش من غير ما اتنفس ازاي،، ازاي اقدر اعدي كل ده،،، يارتني ما اقابلته ولا شوفته، ولا عشقته،،، قلبي ده لازم اشيله من جوايا عشان اقدر اعيش واكمل،،،، بس ازاي هقدر اعيش من غيره،، ازاي، ازاي بس يا امي وانا ببقي بين ايده وحاسه بشوق غريب، نفسي اضمه بين ضلوعي واحطه جوا قلبي واقفل عليه،، انساه ازاي وانا بعشق التراب اللي بيمشي عليه،،،، ازاي بس مستحيل اقدر مستحيل صعب اللي بتطلبيه مني والله صعب وتبكي وتبكي بشده، فتاخذها والدتها في حضنها وربتت علي كفتيها بحنان هامسه في اذنيها،،، - لازم تقدري، مش بنت زين الدين اللي واحد مهما حبته ي**رها ويهزمها كده، فوقي وقفي علي رجلك وبينيله انه مش فارق معاكي، حتى لو هتمثلي عليه، بس عشان يعرف انك مش من الساهل حد ي**رك نور تنظر لها وتقول،،، - تفتكري هقدر اتحمل يا امي، كل الضغط ده، تفتكري هقدر اشوفه مع واحده غيري واتحمل، طب ازاي أقدر علي تحمل نار الغيره ازاي سميه بنبره حماس وقوه تقول،،، - هتقدري وهتنجحي، وهتبقي اقوي من الاول، انا متأكده نور؛ ادعيلي يا امي سميه بنظره حب تقول،،،، - دعيالك ياحببتي ربنا يسهل حالك ويسر امرك، انا هخرج عشان تاخدي شور كده وتفوقي وبعدين تلبسي وتفطري معانا نور؛ حاضر ياماما وتخرج والدتها وتتوجه الي زوجها وتخبره بما حدث، وتقص عليه ما قالته لنور فرد عليها،،، - سميه انا خايف تكوني ضغطي عليها وادتيها قوه مزيفه، وهي اصلا معندهاش المقدرة علي التحمل، وبعدين تنهار سميه بنظره خوف وقلق تقول،،،، - مش عارفه والله يا زين انا قولتلها كده ازاي، يمكن عشان حسيت انها عايزة تسمع الكلام ده، مكنش ينفع الوم عليها واقولها انتي السبب، وتستهلي كل ده، وياما قولتك ابعدي عنه ومسمعتيش كلامي، مكنش ينفع صدقني زين بوجه عابس حزين يقول،،،، - عارف ياسمية ومتأكد انها لازم تكمل الطريق اللي مشيت فيه للنهايه نور تنظر له وتقول بحزن شديد مردده،،، - فعلا يابابا لازم اكمله وزي ما يوديني همشيه، ايهاب لازم يعرف انه هو اللي خسران مش انا زين ينظر لها بحب ثم يقول،،، - ربنا معاكي، انتي تخلصي حفلته وتلمي كل حاجتك وتيجي، ونقفل صفحه ايهاب دي من حياتنا ونقطعها خالص مفهوم ياقلبي نور بستسلام؛ مفهوم ياحبيبي زين ممسكا يدها ويقول،،، - يالا تعالي عشان تفطري معانا نور تجلس معهم وتمثل انها تأكل وكل الذي يخطر على بالها هل معذبها تناول فطوره من غيرها ام مثلها لا يستطيع ان ياكل طالما هي ليست بجانبه،، ف*نتبه لوالدتها تهاتفها،،، - يانور كلي ياحببتي، انتي بتقلبي المعلقه وماكلتيش حاجه نور تنهض ثم تقول،،،، - لأ اكلت، مش قادرة اكمل معلش ياماما، يادوب الحق ورايا حاجات كتير سمية تحتضنها ثم تقول،،، - خلي بالك من نفسك يانور، لو حسيتي انك مش قادرة، متكمليش عشان اعصابك متتعبش حببتي نور؛ حاضر يا ماما، اشوفكوا علي خير وتنصرف نور متجه الي فيلا ايهاب واثناء سيرها تقوم بفتح الكاست وتسمع هذه الاغنيه التي مست قلبها كانها كتبت من اجلها عايزة ألملم قلبي وأحضن نفسي وأمشي بعيد عايزة أطيب جرحي أيوة هطيب جرحي أكيد عايزة حبك يبعد عني عايزة جرحك يخرج مني لازم أعلم قلبي أنا يقسا ولازم ينسا ولازم أعيييش كنت بعيشلك كل سنيني قلت زماني هعيشه معاك كنت بحبك أوي ياحبيبي لما بتبعد بستناك كنت بعيشلك كل سنيني قلت زمانى هعيشه معاك كنت بحبك أوي ياحبيبي لما بتبعد بستناك كنت بحس معاك حجات تانية كنت ف عيني كل الدنيا كنت بحس معاك حجات تانية كنت ف عيني كل الدنيا لازم أعلم قلبي انا يقسا ولازم ينسا ولازم أعيش كانت تسمعها و دموعها تنذف دما عليه، حتي انتهت من سماعها ورددت بصوتها،، - ايوة لازم اعلم قلبي يقسي وادوس عليه زي ما هو داس عليه،، لازم يانور تبقي قويه وتتحملي ظلمه، انا اللي عملت كده في نفسي، انا اللي رخصت نفسي واديته حب ميستهلوش، لازم افوق،،،، يارب اقدرني اتحمل عذابه يارب قويني، اشوفه وهو بين ايده واحده تانيه واسكت واصبر،، وتستمر نور في القاء اللوم علي نفسها، حتي وصلت اليه فوجدته شاردا حزينا بمفردة فاقتربت منه مسائله،، - فطرت ولا احضرلك الفطار ايهاب ينظر لها بنظرة حزينة ويرد عليها،، -مش عايز افطر مليش نفس نور ببرود قالت،،،، اوك براحتك، انا اجريت اتصال باحسن منظم افراح عشان يجهز جنينه الفيلا، وكتبت اسماء المدعوين في الملف ده، ياريت تطلع عليهم عشان لو تحب تضيف اي اسم الحق اضيفه ايهاب بتعجباََ،،، - انتي لحقتي تعملي كل ده امتي! نور تنظر له وتقول بسخريه،،، - ده شغلي ولازم اكون جديره بيه، انا معملتش اسم نور زين الدين من فراغ "قالتها بكل كبرياء وعظمه" ايهاب : تمام سيبي الملف ولو في اسماء عايز اضفها هبلغك،، "وفي هذه اللحظه خطر علي باله ان يطلع علي اسم غريمه موجود ام لا، ففتفح الملف بحث عن اسمه ولم يجده،، فسألها قائلا،، - انتي مكتبتيش اسم عادل فهمي ليه؟ نور تنظر له وتقول ببرود،،، - انا عارفه ان العلاقه بينكوا مش قويه، عشان كده معزمتهوش، لو تحب ممكن اضيفيه، عشان الحق اطبع الدعاوي ايهاب بكل ثقه يقول،،، - ايوة انا عايزة يحضر نور ترد بطريقه رسميه مردده،،، - اي اوامر تانيه إيهاب بألم : شكرا وتدخل هايدي في هذه اللحظه تلقي السلام عليه، وتقبله علي وجنتيه، وتنظر الي نور نظرة انتصار، ثم تحدثه مردده،، - هوبا حبيبي ازيك، انا اول ما صحيت جيت علي طول عشان نفطر سوا، انت فطرت ولا لسه ايهاب : مليش نفس ياهايدي، افطري انتي هايدي بدلع وتتمايل عليه : مش ممكن يابيبي انا جايه مخصوص عشان افتح نفسك، ومش هتنازل اننا نفطر سوا، لو سمحت يا نور اطلبي من سالي تجهز الفطار لينا بس بسرعه نور بحسرة : حاضر، عن إذنكم نور تتوجه الي سالي وتقول،،، - سالي لوسمحت جهزي الفطار لايهاب وهايدي سالي تنظر لها بحزن متسائله،،،، - انا نفسي اعرف بس ايه اللي حصل بينكوا، والله دي تلاقيها عين وصابتكم نور بنظره حزن وان**ار تقول،،،، - ده نصيب ياسالي، وكل واحد اخد نصيبه خلاص، وانا نصيبي اخدته من الدنيا، وكانت أجمل أيام حياتي عشتها معاه، هعيش علي ذكراها عمري كله، ياريت تجهزي الاكل بسرعه، اصل الهانم جعانه اوي، وانا هتطلع غرفتي، لو طلبني قوليله بتشتغل فوق وتتركها لتصعد الي غرفتها، حتي تهرب من نظرات هايدي لها، فهي تعلم انها تريد ان تضايقها بهذه التصرفات ايهاب ينظر لها بضيق ثم يقول،،،، - ممكن اعرف ايه اللي جابك ياهايدي، احنا بينا اتفاق، فبلاش بقي تعيشي دور الحبيبه ده مش رايق عليكي، احنا فاهمين بعض كويس اوي، فشويه دول اعمليهم علي حد غيري هايدي تدعي الحزن والزعل؛ كده برضو ياهوبا وانا اللي جايه وفاكراك هتتبسط لما تشوفني، وترحب بيا، اخس عليك ايهاب بحده يصيح بها مرددا،،، - ياهايدي انا وانتي عارفين اني عملت كده عشان ارد لنور جرحها ليا، فبلاش تتمادي لو سمحت هايدي تقترب منه بدلع تقول،،،، - اديني فرصه بس يا هوبا وانا انسيك اسمها والدنيا كلها ايهاب ينظر لها ويقول بألم وحسره،،، - ولا انتي ولا الف يقدروا يخلوني انساها، ولا انسي جرحها ليا، ثم **ت وشرد بها هايدي تنادي عليه مردده،،، - ايهاب انا بكلمك رد عليا ايهاب يرد بضيق،،،، - ايوة معاكي، افطري ياهايدي سالي اهي جايبه الفطار وتمر الايام ونور منهمكة في تجهيز حفله الخطوبه، ومتابعه كل شيء بنفسها، وكل هذا وهي متحمله فوق طاقتها،، فكم من الليالي تنام وهي حزينة ودموعها تنذف علي وسادتها،، وهي تتخيله امامها وتشكو له من ظلمه لها، ثم تفوق علي وهمها، وسؤال واحد يردد في نفسها،، ليه عمل فيا كده؟ ولا تجد له اجابه،،، وحان اليوم حفل خطوبتهم، فقامت نور بشراء بدلته، فكانت في قمه الشياكه والروعه، وجهزت لنفسها فستان لونه اسود غاية الروعة والجمال فقد برز جمال جسدها، فكانت ايه من الجمال، خ*فت الحفله برقتها، اما هايدي فكانت ترتدي فستان احمر ناري عاري من الص*ر ، وتاج صغير علي راسها، مع ميكب صارخ، لا يتناسب مع مناسبه الخطوبه، فكانت محل نقد من الجميع، فتقدم ايهاب ليقدم لعروسه خاتم الخطوبه،، ونور تنظر اليه بكل حزن واسي، حابسه دموعها حتي لا تخونها، وبعد انتهاءه يطبع قبله رقيقه علي جبهتها،، تقدمت نور منهما وامسكت بيدها المايك وقالت،،، - الف مبروووك للعروسين، وبالمناسبه دي احب اقدم لايهاب وعروسه مفاجأة كنت محضراها، اتمني انها تنال اعجابه،،،

Free reading for new users

Scan code to download app

App Store Google Play

Facebookexpand_more