الفصل التاسع

3304 Words

هادي بتوتر يقول : اكيد حضرتك عارف كل ظروفي، وانا طمعان في موافقتك علي زواجي من كريمتك الانسه نسمه، وهكون اسعد واحد لو حضرتك وافقت. ي**ت سليم للحظات ثم يتحدث هاتفا... - والله الحقيقية يا دكتور هادي انا في الاول كنت معترض شكلا وموضوعا، لكن بامانة الله لما سألت عليك الكل اجمع علي حسن خلقك، وأخلاقك، فانا مش عاوز لبنتي اكتر من كده، زوج يراعي ربنا فيها، خصوصا انها مش ممانعه، ربنا يتمم بخير يا ابني هادي بفرحه يقول،، انا مش عارف اشكر حضرتك ازاي ياعمي، والله انا هشيل نسمه في عنيه وعمري ما هزعلها ابدا ابدا، واللي حضرتك تأمر بيه انا جاهز، شقتي جاهزة من كله ولو نسمه محتاجه تغير اي حاجة انا تحت امرها سليم ينظر له بأعجاب، ثم يقول،،، يابني الشكليات دي مش هنختلف عليها بامر الله، انا اشتريت راجل يصون بنتي، مش شقه تسكن فيها، وانا حسيتك راجل وهتخاف عليها، عشان كده انا هناديها واتفق معاها هي، وخرجوني من الموضوع وينادي سليم علي ابنته، فتأتي نسمه وهي في غاية ال**وف، ومنحية راسها لأسفل، فهتف الاب... - اية يانسمه مالك ياحببتي، ايه ال**وف ده؟ نسمه؛.... هادي يقف ويقدم الورد لنسمه ويهمس لها،، - مبرووك، ثم يوجه حديثه لوالدها... - ممكن بعد اذنك ياعمي، نلبس الدبل، انا جايبها معايا، حبيت اعمل مفاجأة لنسمه، عقبال ما تنزل بنفسها وتختار الشبكه اللي تعجبها سليم بفرحه،، - مفيش مانع يا ابني، متسمعينا زغروودة يا ام العروسه أميرة بفرحه شديده،،، - لولولووووولي، الف الف مبروووك ياحببتي، مب**ك يادكتور هادي هادي بنبرة سعاده ينظر لها ويقول،، - الله يبارك في حضرتك يافندم أميرة تنظر له ببتسامه وتقول،، - إيه افندم دي، لا قولي ياماما، وسليم بابا، انت من دلوقتي في مقام ابننا وغلاوتك من غلاوة نسمه هادي بنبرة احترام وتقدير يقول،،، - ده شرف ليا والله يا امي ويقدم هادي الدبله ومحبسها، فتعجب بهم نسمه جدا، فسالها مردد،، هادي بنظرة حب يقول،،، - اتمني ذوقي يكون عجبك، ولو معجبكيش ممكن تغيريه زي ما تحبي نسمه بسعاده تنظر للدبله وتقول باعجاب شديد مردده،،، ابدا بالع** ده جميل جدا، ذوقك حلو اوووي ياهادي هادي بفرحه يقول،،، - بجد عجبوني متتخيليش سعادتي اد ايه، كنت خايف ذوقي ميعجبكيش، ممكن بقي تقوليلي عايزة تغيري ايه في الشقه، عشان اغيرها، انا كنت لسه مغير كل حاجه عشان احاول انسى، فياريت لو بابا يسمح اعدي عليكي بكره اخدك انتي وماما وتشوفي لو محتاجه حاجه اغيرها، بعد اذن حضرتك طبعا يا بابا سليم اومأ راسه بالموافقه ثم يقول،، - مفيش مانع تبقي تروحي يا اميرة، وتشوفي هتعملوا ايه نسمه بهدوء،، - مادام بتقول انك مغير العفش، خلاص ياهادي مفيش مشكله هادي ينظر للجميع،، ؛ العفش والبياض وكل حاجه، بس برضو لازم انتي تشوفيها بنفسك يمكن تحبي تغيري غرفه النوم مثلا نسمه تنظر له ثم لوالدتها وتقول،، - حاضر بكره بعد الشغل ناخد ماما ونروح نشوفها هادي ينظر لوالدها ويقول بحماس،،، - ولو عجبت الشقه نسمه اتمني اننا نعجل بموعد الزفاف لاننا مش هيكون ناقصنا حاجة ولا ايه يابابا سليم يبتسم له ويقول،،، - انت مالك يابني مستعجل ليه كده هادي ينظر له بسعاده ويقول،،،، - خير البر عاجلا اميرة تنظر لزوجها وعلي وجهها سعاده وفرحه تقول،، - ايوة ياسليم خلينا نفرح بيهم، انا نفسي افرح واشوفها عروسه هادي ينظر لها بفرحه،، - الله ينور عليكي ياست الكل، هو ده الكلام، ربنا يبارك فيكي يارب معتز ينظر لهم بفرحه ويقول،،، - الف مبرووك ياجماعة، فعلا يا استاذ سليم، مادام العريس جاهز يبقي ايه اللي هيعطله، خلينا كلنا نفرح بيهم سليم ينظر لهم ويقول بأستسلام مردد،، - خلاص كلكم اتفقتوا عليا، امري لله روحوا شوفوا الشقه وبعدها نحدد معاد ياهادي.، يالا بقي اشربوا الشربات، ووربنا يتمم بخير وبعد مرور بعض الوقت يستأذن هادي ومعتز في الانصراف، بعد تحديد موعد غدا ليدلفوا الي منزله لتبدي نسمه رايها في الشقه، ويستقل سيارتة وفي في قمة سعادة، ويقوم بتشغيل كاست السيارة ليستمع الي اغنيه ويدندن معها، فيضحك بشده معتز عليه معتز ينظر له ويقول،،، - ياعيني علي الروقان والانبساط اللي انت فيه هادي يوجه نظره له وهو يحرك يده علي مقود السياره كأنه يعزف علي اله البيانو مرددا بسعاده يقول،،، -ومنبسطش ليه بقي، وانا اخيرا ربنا عوضني خير علي اللي راح مني معتز معتذرا يقول،،، - اسف مقصدش، والله انا فرحان عشانك، بس حاسس انك زي ما تكون اول مرة تخطب هادي ينظر له ويقول بلهجة جديه بعض الشئ،،،، -تصدقني لو اقولك هو ده نفس احساسي يا معتز يا اخويا معتز بنبره هادئه حنونه يقول،،،، - ربنا يسعدك، ويكملك علي خير يارب، انت ابن حلال، اكيد ربنا شايلك خير كتير عشان صبرت علي ابتلاءه هادي برضا يقول،، - ونعم بالله، انا راضي باي حاجه ربنا يجبهالي، وعشمي في وجه الله خير معتز بحب،،، - ان شاء الله كل خير ياحبيبي، بس وحياتك متنسنيش في فرحتك دي وتكلم الدكتور اللي قولتلي عليه هادي يقول بجديه،،، - لا متخفش اول ما اوصل هتصل عليه وابلغك بكره الصبح في المستشفي معتز بنظره شكر وامتنان يقول،،، - ربنا يخليك للغلابه اللي زي يارب هادي بضحك؛ ويخليك ليا يارب، يالا اتفضل انزل بيتكوا اه وصلنا، مع السلامه معتز مصافحه بحب، ويقول،،، -مع السلامه، والف مب**ك مره ثانيه هادي؛ الله يبارك فيك وينزل معتز ويصعد الي منزله، ويفتح باب شقته ليجد زوجته نانسي امامه، وعلي وجهها الغضب فتهتفت مردده،،، - حمدلله على السلامه، اخيرا شرفت، كل ده تاخير، والجارية اللي انت مشتريها ولا تعبرها برنه تليفون تقولها انا هتاخر شوية معتز بضيق يرد،،، - الناس تقول مساء الخير يا حبيبي، حمدلله علي سلامتك، مش تتكلم بالطريقه دي اول ما تشوفني نانسي بغضب ونبرة صوت عاليه تقول،، - امال عايزني اخدك بالاحضان والبوس وانت جاي متاخر كده معتز يقترب منها ويقول بنبره هادئه مرددا،،، -وفيها ايه لما تاخديني بالحضن والبوس، وتعملي زي الستات ما بتعمل وتقابل جوزها ببتسامه علي وشها، تهون عليه تعب اليوم كله، ولا انتي مش زيهم يانانسي نانسي تنهض من مجلسها لتقف امامه غاضبه ملوحه بيدها في وجه مردده،،،، - والله لما تبقي تهنيني زي الستات دي ابقي احضن وابوس زي ما انت عايز ياسبعي معتز يمسك كتفيها ويهزه بغضب ويقول،، - ياشيخه انتي ايه، مش بتشبعي خالص، مهما البي طلباتك، تخترعي طلبات تانيه، بجد انا تعبت منك ومن حياتي معاكي،،،، "ثم يدفعها بقوة فتقع علي الاريكه" نانسي تنهض تقف وتصرخ به بصوتِِ حاد مردده،،،، - حوش حوش اللي يسمعك يقول مغرقني في النعيم، والدهب، واللبس، والبرفانات، ياراجل ده انت حتي استخسرت فيا الخاتم اللي طلبته منك من شهر، وكان عجبني موت معتز بضيق وغضب يضع يده بجيب بنطاله ويخرجه فارغا، دلاله علي عدم امتلاكه شيئاََ، ثم يقول،،، - اجيب منين يا نانسي، اسرق ولا اقتل عشان ترتاحي، ارحميني وعيشي علي اد الحال، جيوبي اهه فاضيه انتي مفل**ني اول باول، انتي ايه ياشيخه مش بتشبعي خالص، مفيش حاجه بتكفيكي ابدا نانسي تضخك بسخريه مردده،،، - اد ايه وحال ايه، انت عارف كويس انا كنت عايشة ازاي قبل ما تتجوزني، ومستوايا كان ايه، مفروض تحققلي نفس العيشة اللي كنت عايشاها في بيت والدي معتز محاول التحكم في اعصابه، فيقوم بمسح يبده علي وجه، ثم يقول،،، - ياستي انا مقولتش حاجه، وبحاول اعمل اللي في وسعي بس مش بايدي حاجه، ودكتور هادي هيكلم صديق له ياستي امسك عيادته فترة مسائية، واكيد بإذن الله تعالى الدخل هيتحسن كتير واجبلك اللي انتي عايزاه نانسي بفرحه، فتتحول نبرتها الي نبره هادئه وحانيه، ثم تنظر له قائله،،، - بجد يا ميزو الكلام ده، يعني مش بتضحك عليا معتز يقترب منها مرددا ،،، - بقيت ميزو حالا لما عرفتي ان فيها شغل تاني نانسي بدلع تقترب اليه في محاوله لتهدئة واغراءه، ثم ترد قائله ،،، - الله بقي، ما انا لو مكنتش عملت الشويتين دول مكنتش هتتلحلح ابدا، المهم يارب الدكتور يوافق واسمك يكبر ياميزو ياحبيبي يارب، قولي اتعشيت ولا عايز تحلي حلاوة الخبر الحلو ده "وتغمز له بطرف عينيها" معتز ببتسامه وغمزة،،، لا طبعا عشا ايه دلوقتي، الحلو طبعا ي**ب، هروح اخد شور واجيلك هوا ياقلبي نانسي بدلال ودلع،،، -في انتظارك ياميزو متتاخرش تقف امام المرآه وتحدث نفسها وهي تلاعب خصلات شعرها متردده،،، - حلو اوي موضوع الشغل ده يارب بس تكمل علي خير، خلينا نقب شويه ونعرف نتنفس حلو، اما انت يامعتز هحاول اهدي اللعب معاك شويه لما اشوف اخرتها ايه، واغصبي علي نفسك شويه واتحملي يانانسي، واعصري علي نفسك شوال ليمون... لتفوق علي صوته يحادثها - ننوس فينك ياحببتي نانسي تنادي عليه بدلع مردده،،، - انا هنا ياقلبي منتظراك في غرف*نا ياحبي معتز يتوجه اليها، ناظرا لها بحب، مرتدي برنس الحمام، فيغمرها بنظراته المليئه بالرغبه، والحب، والاعجاب مرددا،،، - ايه الجمال والحلاوة دي، يخربيت جمالك، متجوز صاروخ قمر ياخواتي، استعني علي الشقا بالله نانسي بضحكه خليعه،،، -يا ميزو حاسه انك هتحارب ياحبيبي معتز يقترب منها ويقبلها بعنقها عده قبلات ثم يهمس لها قائلا،، - انتي بتقولي فيها، سيبي نفسك انتي بس، عشان بحب اعمل في هدوء، عشان اتقن العمل نانسي بدلع تردد،،، -طيب ياحبيبي اتقن زي ما انت عايز، لما نشوف هههههه نتركهم بقي مع بعض بلاش تطفل، عارفه هتموتوا وتعرفوا ميزو هيعمل ايه? يصل هادي الي منزله، ويدلف لياخذ حمامه، ثم يحادث صديقه د شريف المصري... - مساء الخير يادكتور، اسف علي الإزعاج شريف،؛ حبيبي ياهادي ازيك، اخبارك ليه حبيبي، بقالك كتير مش بتسأل هادي بنبرة تأسف يقول،،، - معلش سامحني كنت مشغول كده في موضوع خطوبتي، والحالات بقي انت عارف شريف بدهشه يقول،، - خطوبتك الله الف الف مبروووك ربنا يتتم بخير يارب، اوعي تنساني بقي في الفرح هادي بنبرة نافيه يقول،،، - لا طبعا ازاي، انت اول المدعوين، انا والله بتصل بيك في الوقت المتأخر ده عشان ابلغك اني عندي دكتور صديقي في المستشفي اللي بشتغل فيها، عنده استعداد يمسك عيادتك اللي في وسط البلد، وانا اضمنه جدا شريف بسعاده يقول،،، - بجد ياهادي، انا مش عارف اشكرك ازاي بجد، انت نجدتني، انت مش متخيل انا كان عصبان عليا اقفل العياده دي واللي بنيته طول السنين اللي فاتت يروح هادي بجديه وثقه يرد مرددا،،، - لا ابدا دكتور معتز هيحافظ علي اسمك وعلي مجهودك، وان شاء الله يكبرها كمان وكمان شريف بتمني،، - يارب، اديله العنوان وبكره هكون في انتظاره، وشكرا جدا علي تعبك معايا هادي بحب يرد عليه،،، - ياحبيبي مفيش بينا تعب ولا شكر احنا اخوات، مع السلامه شريف،،، مع الف سلامه يغلق معه الهاتف، ويقرر ان يتصل بنسمته - حببتي وحشتيني، نمتي ولا لسه سرحانه وبتفكري فيا زي ما بفكر فيكي نسمه بنبرة احراج تقول،،، - بصراحه كنت بفكر فيك، ومش قادرة أصدق نفسي ان ربنا حقق احلامي كده مره واحده، وبقيت من نصيبي هادي بحب يقول،،، - يااااه للدرجه دي يانسمه انتي كنتي بتتمنيني نسمه بكل حب وشوق ترد قائله،، - للدرجه دي واكتر من كده، من اول ما اشتغلت في المستشفي سكرتيرة دمنير، وانا في الاول كنت معجبه بهدوءك واخلاقك، وبعد كده.... هادي يبتسم ويقول لها بنبرة حانيه،،، - سكتي ليه مش عايزة تقوليها، بحبك نسمه؛........ هادي يضحك ويقول،، - انتي م**وفه مني، انا فعلا صدقتي كنت اعمي عشان مشوفتش حبك ده، وغ*ي عشان ضيعت وقت طويل اوووي في وهم السن اللي بينا وخلاني مصرحتكيش، يمكن كان زمانا متجوزين دلوقتي نسمه بنبرة حزينه علي سنين عمرها الضائعة، تهمس وتقول،،، - معلش الحمدلله، انك اتكلمت واتاكدت من مشاعرك تجاهي، وكل شيء بآوانه، ولما ربنا يريد هادي بنبرة راضيه يقول،، - ونعم بالله فعلا كل حاجة لما تجي بوقتها بتكون احلي نسمه تعتدل في مجلسها وتقول،،، - ممكن بقي تحاول تنام عشان تركز في شغلك، بكره اليوم طويل عليك، تصبح علي الجنه هادي ينظر الي فونه ليتعرف علي الوقت ثم يقول،،، - فعلا الوقت اتاخر، تصبحي علي الجنه ياحببتي، اشوفك بكره، مع السلامه نسمه؛ مع الف سلامه ويغلق معها الفون، ويحاول ان يستعد للنوم، لكن من فرحته لا يستطيع ان يغمض له عين، فظل يفكر ويفكر حتي غلبه النوم واستيقظ علي صوت منبه في تمام الساعة الثامنه صباحا، فنهض ليأخذ حمامه ويرتدي ملابسه، ثم صلي فرضه، وعزم علي شراء علبه من الشكولاته حتي يقوم بتوزيعها علي اصدقائهم في المشفي، حتي يعلم الجميع بامر خطوبته من نسمه، ثم توجه الي المشفي، ودلف الي نسمه واعطاها علبه شكولاته لتقوم بتوزيعها، وهو ايضا يوزع للزملاءه الأطباء ، فالجميع هنئوه وتمنوا لهم ان يبارك الله لهم ويرزقهم بالزريه الصالحة، وتركهم وتوجه الي غرفه نور، فستاذن بالدخول - ياصباح الفل علي عيونك يانور نور بابتسامه علي وجهها؛ صباح الفرحه اللي بترفر علي وجهك يادكتور هادي ببتسامه،،،، - اتفضلي ياستي دي شكولاته بوزعها حلاوة الخطوبه نور تنظر له بفرحه شديده، ثم ترد قائله،، - الف مب**ك ، ميرسي هادي ينظر لها بفرحه النهاردة انا عاملك مفاجأة نور بقلق،، خير هادي يمسك هاتفه ويطلب رقما، وينتظر بعد ثواني ليرد عليه والد نور - الو صباح الخير يافندم زين بغضه، وقلق، يرد قائلا،،، - صباح الخير يادكتور هادي، خير نور جارلها حاجه هادي بهدوء، يرد عليه مرددا،،، - نور بخير متقلقش، انا بس كنت عامل مفاجاة لنور، اتفضل خدها معاك،، "ويقدم لها الفون لتمسكه بيد مرتعشه غير مصدقه انها سوف تسمع صوت والدها بعد كل هذه الفتره" نور تمسك الهاتف ببكاء شديد مردده،،، - ازيك يا زيزو وحشتني اووووي زين بلهفه، وحب يقول،، - نور بنتي حببتي، وحشاني ياقلبي جدا، انا مش مصدق نفسي اني سامع صوتك ياحببتي، انتي كويسه ياعمري، صحتك حلوة، بتاخدي علاجك، طمنيني عليكي ياقلب ابوكي من جوه نور بنبرة حب وشوق له تقول،،، - انا بخير ياحبيبي، الحمدلله احسن من الاول بكتير اووي، والبركه في دكتور هادي بعد ربنا زين بنبره رضا يقول،،، - الحمدلله، يارب يتم شفاكي علي خير ياحببتي وترجعي تنوري البيت تاني نور برضا وايمان، تقول،،، - بإذن الله تعالى، ادعيلي يابابا ربنا يهونها عليا، امال ماما فين زين ينادى علي زوجته بلهفه مرددا،، - هنادي عليها، اصلها بتحضر الفطار،،،، "ياسميه تعالي بسرعه كلمي نور" سميه تركض مسرعه غير مصدقه لما سمعته اذناها لترد عليه،،، - انت بتتكلم جد يازين نور علي الفون هات بسرعه،، سميه بنبرة صوت ممزوج بالبكاء، ترد قائله،،،، - نور نور حببتي، عامله ايه وحشتيني اوووي اوووي نور بنبرة حب وشوق لها تقول،، - انتي اكتر ياماما، وحشاني لدرجه متتخيلهاش ياحببتي، نفسي اترمي في حضنك زي زمان واعيط جواه لحد ما ارتاح سميه تجفف دموعها وتقول،،، - متخيلاها ياحببتي، لانك وحشاني اكتر ما انا وحشاكي، نفسي اشوفك ياقلبي، نفسي اخدك في حضني واضمك، وتحكيلي زي زمان ياقلبي نور تنظر لهادي نظرة ترجي وتقول،،، - هانت ياماما، ادعيلي سمية بنبرة حب؛،،، - بدعليك ياحببتي من كل قلبي ترجعيلي وتنوري دنيتي كلها نور بنبرة صوت حزينه تملئها الندم، ثم تقول،،، - يارتني سمعت كلامك زمان، مكنش حصلي كل ده سميه بهدوء، وحزن تقول،،، -خلاص يانور اللي حصل حصل، مش عايزين نتكلم في الماضي المهم الحاضر والمستقبل، وركزي عشان ترجعي اقوي من الاول ياقلب ماما اتفقنا نور بنبرة تحدي وقوة تردد،،، -حاضر يا ماما، اوعدك اني هرجع نور بتاعت زمان بس اقوي من زمان كمان سميه بفرحه تقول،،، - هو ده الكلام ياحببتي، تشوفك علي خير ياقلبي، مع الف سلامه نور؛ مع الف سلامه يا امي وتغلق نور الفون، وتقدمه لدكتور هادي وتبدي له كل الشكر والامتنان علي هذه المكالمه فتهتف له،، - انا مش عارفه اشكرك ازاي علي المكالمه دي يادكتور، متتخيلش انا كنت محتجاها اد ايه، وفرقت معايا ازاي هادي ينظر لها بوجه مبتسم يقول،،، - لا متخيل، وعارف انها هتفرق معاكي في التوقيت ده بالذات نور بتعجب؛ عارف ومتخيل، طب ازاي ! هادي بهدوء موضحاََ،،، - لانك كنتي محتاجه تسمعي صوت اقرب الناس ليكي وتسمعي رد فعل والدتك بالذات لما قولتلها انك ندامه انك مسمعتيش كلامها زمان، حاولي تنسي الماضي، وبصي للحاضر والمستقبل بنظرة جديده يانور، ده هيفيدك جدا المرحله الجايه نور : حاضر يادكتور هحاول هادي ينظر لها ويقول،،، - برغم اني مشتاق اعرف ايه اللي حصل في رحله لبنان، بس هعفيكي النهاردة من الجلسه وهكتفي بمكالمتك مع والدك ووالدتك، مش عايز اخرجك من المود الحلو اللي انتي حساه دلوقتي، هسيبك وبكره موعدها ونكمل ونور تنظر له بدهشه وتعجب مردده،،، - انت بجد مش ممكن يادكتور، حاسس بيا بشكل مش مقعول، انا فعلا مكنش عندي استعداد اتكلم ويتقلب عليا المواجع خصوصا ان اسعد ايام حياتي كانت معاه في الرحله دي، بكره هحكيلك علي اللي حصل هادي ينظر لها متعجباََ من حديثها مرددا،،، - ليه مستغربه اني حاسس بيكي اوي كده ده امر طبيعي جدا عشان الدكتور الخاص اللي بيعالجك بس هو ممكن يكون بزياده عشان، احساس الاب هو اللي بيسيطر بس، وانا هكون علي اتم الاستعداد يانور اني اسمع باقي حكايتك، هسيبك وهشوفك بكره، مع السلامه نور؛ مع السلامه، بس هو ممكن يادكتور هادي استخدم اللآب بتاعي هادي ي**ت لحظات ثم يقول،،، - حاضر هو عندي في مكتبي، والدك جابه من فترة وسابه عندي عشان ادهولك لما الوقت يكون مناسب، هبعته مع باسم يدهولك نور بفرحه،،، متشكره اووي يادكتور هادي مبتسماََ لها،،، - مفيش شكر علي واجب يانور، هسيبك انا دلوقتي واشوفك بكره سلام نور ببتسامه،،، سلام يادكتور ويتركها ويتوجه الي غرفة مكتبه، ويطلب من عامل البوفيه فنجان من القهوة، ثم يسلمه اللاب الخاص بنور، ويطلب منه ان يسلمه لها في غرفتها، ليجد معتز امامه ويطلب فنجان اخر ويساله،،، - كلمت الدكتور يا هادي، ولا نمت ونسيت، لحسن انا عملت مشكله مع نانسي تاني، ومسكتتش وحنت عليا غير لما قولتلها موضوع الدكتور والعياده ده، وبقت زي القطة السيامي من وقتها هادي يضحك عليه،،، - لا كلمته ياسيدي منستش، وفي انتظارك تروح تقا**ه النهاردة وتتفق معاه علي كل حاجه، ولو في نصيب هتاخد المفتاح وتبدا تفتح من بكره معتز بفرحه ويعانقه بشده،،، - شكرا جدا ياحبيبي، والله مش عارف ارد جميلك ده ازاي، انت فعلا نجدتني والله، ربنا يخليك ليا هادي ينظر له ويقول،،، - علي ايه بس هو انا عملت حاجه، خد ده العنوان و رقم تليفون د شريف المصري، لما تخلص شغل روح وغير هدومك، والبس بدله كده شيك، وروحله هيكون في انتظارك معتز ياخذ العنوان بسعاده، ثم يقول،،، - باذن الله ادعيلي ربنا يجعل في وشي القبول هادي ينظر له نظرة تشجيع،،، - ان شاء الله، متقلقش ويتركة معتز ليذهب لاتمام عمله والمرور علي الحالات الخاصه به. يتوجه باسم الي غرفة نور ويقدم لها اللاب، فتقوم بشكره ثم تاخذه منه، وتقوم بفتح صفحتها وتكتب خاطرة لها من خواطرها،،، ارحل كما تشاء...ابعد كما تشاء..فقد اصبحت لا انتظر رجوعك ...ولا اشتاق لرؤياك..فأنت بنيت من الجسور بيننا ما تجعلك لا تستطيع هدمها او عبورها لى ...لقد طال الغياب والبعاد ..فجعلنى لا احن ولا اشتاق ...ابعد ..عاند ..اهجر كما تريد ..فقد تعودت منك اكثر بكثير انت الذى **رت قلب عشقك منذ عشرات السنين فهل منتظر منه ان يداوى جروحه بمفرده كلا لقد حسم أمر عشقك ودمرته تدميرا شاملا فكفى لقد اكتفى منك عذاب وألم، فقلبي تمزق وذاب من غدرك وجرحك له ثم اغلقته واستندت علي فراشها، متذكره ايامها السعيده معه ويمر ساعات العمل حتى اوشكت علي الإنتهاء، فتوجه هادي الي نسمه ليقوم بايصالها الي منزلها حتي ياخد والدتها ويستقلون الي شقته لكي تراها نسمه، وبعد مرور ما يقرب من ساعه تصل نسمة الي منزلها فتقوم بالاتصال علي والدتها حتي تهبط اليهم ويتجهوا الي الشقه، وبعد دقائق يرون اميرة تهتف لهم - مساء الخير يا حبايبي، اتاخرت عليكوا هادي ينظر لها في احترام مبتسماََ ثم يقول،، -مساء النور ياست الكل، لا ابدا متأخرتيش ولا حاجه، احنا هنطلع دلوقتي علي الشقه ولما نخلص ياريت تسمحولي اعزمكم علي الغداء بره اميرة تنظر له باعتذار تقول،،، - مفيش داعي يا ابني خليها مرة تانيه، وانا عامله حسابي انك انت اللي هتاكل معانا لما نرجع ومجهزة كل حاجه قبل ما انزل هادي بنبرة احراج و**وف يقول،،، - ؛ مفيش داعي لتعبك يا امي اميرة بنبرة حانيه ترد عليه مردده،،، - لا تعب ولا حاجه، وكمان انا مش بخرج ولا باكل غير لما اكون مع سليم، ودي اول مرة اروح في حته وميكنش سليم مش معايا هادي بنظرة اعجاب وتقدير،،، - ياااه للدرجه دي، ربنا يبارك فيه ويخليكوا لبعض يارب اميرة بحب ترد،،،، - ويبارك فيكوا ياولاد ويتتم فرحتكوا علي خير هادي بفرح،، - يارب، احنا وصلنا اهو اتفضلي ياماما وينزل هادي ويفتح باب السيارة لنسمه ثم لوالدتها، ويتوجهون للبرج الذي يسكنه، فهو برج شاهق، ت**يمه حديث، فقد اخذ هذه الشقه حديثا، ثم صعد بالمصعد وتوجه الي الدور ٧ وفتح باب الشقه، فكانت عبارة عن رسيبشن واسع جدا متسع ٤ قطع من الاساس، انتريه، وسفرة، ركنه، صالون، ومطبخ م**م بالت**يم الامريكاني، ثم يوجد طرقة حوالي ١٤ امتار تقربيا ويوجد علي جانبيها اربعه غرف، اثنان نوم، وغرفه ليفينج، واخري مكتب، واثنان حمام، واحد كبير واخر صغير، ويوجد بالغرفه النوم حمام داخلي كبير داخل الغرفه. هادي ينظر اليهم مرددا،،، - ايه رايك يانسمه في الشقه، لو ليكي اي ملحوظات اقوليها متت**فيش نسمه تنظر لوالدتها باعجاب شديد، ثم تقول،،، - ايه رايك ياماما اميرة بفرحه شديده تقول،،، - بسم الله ماشاءالله، تبارك الله، بصراحة جميله جدا وذوقها تحفه يا ابني، انت ذوقك عالي جدا، من حيث اختيارك للد*كور والجبس البورد، غير الالوان،للعفش حاجه كده، ملهاش وصف هادي بسعاده؛ الحمدلله انها عجبتك ياماما، عقبال نسمه نسمه بنفس الاعجاب تقول،،، - بصراحه ماما عندها حق ياهادي، الشقه فعلا جميله اوووي، وانا مش هغير حاجه فيها غير بس حاجه واحده، اذا سمحت يعني هادي؛ انتي تامري، حاجة ايه اللي عايزة تغيريها

Free reading for new users

Scan code to download app

App Store Google Play

Facebookexpand_more