الفصل الرابع عشر

3001 Words

وينصرف ليتوجه الي منزله ثم يتركه فارس ليتوجه الي منزله بعد رفضه لمحاولاته ان يمكث معه، ثم امسك هاتفه ليرن علي مجنونته،، - يامساء الحب والعشق نور بنبره حانيه ترد قائله،،، - حبيبي حمدلله على السلامه، لسه واصل ايهاب يمدد بجسده علي فراشه، ثم يقول،،،، - حالا يادوب اخدت شور وبكلمك، متتخيليش انا كان علي عيني ازاي وانا ماشي وسيبك، وجيت الفيلا لوحدي، حاسس بفراغ من غيرك، وملهاش طعم، انا اتعودت عليكي وعلي وجودك جنبي اوي يانور نور بنبرة حزينه تقول بأشتياق،،، - وانا كمان، زعلت لما مشيت، بس حتي وانا فى غرفتي حاسه بغربه غير طبيعيه، حاسه بحاجه نقصاني، حاسه ان روحي متاخده مني، انت روحي يا إيهاب، ولما بتغيب بتروح، مش بترجع غير في قربك إيهاب بتنهيده عاليه وبنبره صوت منبوحه يقول،،، - نور ارحميني من كلامك ده، انا سايبك وعلي اخري، واتحرجت اني اخدك، خوفت والدك يزعل، وشكلي كان هيبقي مش حلو نور بضيق تقول،،، - الموقف كله مكنش حلو، بس انا نفسي اعرف مين عرفه باللي حصل وبعتله التسجيل ايهاب ي**ت لحظات ثم يقول،،، - مفيش غيرة اللي كان مراقبنا من اول ما دخلنا نور بتعجب متسائله،،، - تقصد مين، عادل؟ ايهاب بنبرة تأكيد يرد،،، - وهو في غيرة، انا كنت شاكك واتاكدت لما باباكي وراني التسجيل نور متسائله،،،، - وهو ليه يعمل كده، عادل صديقك، وصديق ليا إيهاب بغضب، يرد،،،،، - عشان البيه بيحبك ولا ناسيه نور بضيق،،، -انت لسه فاكر ايهاب بخنقه وضيق يرد،،، - وهي دي حاجه تتنسي، انا دمي بيفور لما بشوفه بس بيبصلك، مش يسلم عليكي نور بحب ترد،،، - حبيبي بقي غيووور إيهاب بنبرة حده يرد قائلا،،، - لدرجه متتخيلهاش ابدا، خلي بالك بقي نور بحب تقول،،، - حبيبي ياهوبا، بحبك وبحبك اي حاجه منك ياعمري ايهاب بصوت مرتفع يقول،،، - يا ليلتك اللي مش هتعدي النهاردة علي خير يا ايهاب، اعمل فيكي ايه دلوقتي، وانتي بعيد عني ومش طايلك، اااه لو قدامي وبتقولي كلامك الحلو ده، كنت عملت فيكي ايه؟ نور ممده علي فراشها ، وتلاعب خصلات شعرها باطراف اصابعها، ثم ردت عليه بهيام،،،، - هتعمل ايه؟ ايهاب بهمس بكل شوق وحب مرددا،،، - كنت هاخدك في حضني.. وضميتك لقلبي.. ودخلتك جواه.... وخبيتك برموش عيوني من كل الناس يانور، انا مش قادر يانور خلاص، حبك امتلكني لدرجه انا مش قادر اوصفهالك، بحبك اووووي، ونفسي متفرقيش حضني تاني، نفسي الدنيا كلها تعرف بعشقي ليكي نور تتصارع دقات قلبها بشده، فترد عليه بهمسه مردده،،، - حبيبي يا ايهاب، مهما توصل درجه حبك، قول دايما نور بتحبني اكتر، لان حبي فاق كل الحدود ياعمري ايهاب بهيام يقول،،، - ربنا ميحرمنيش من حبك ابدا يارب نور بحب ترد،،، - ولا يحرمني من قلبك ياعمري... ممكن بقي تستعد وتنام عشان ورانا بكره يوم طويل، تسجيل الاغنيه مش سهل وهياخد وقت، ولازم تكون فايق ومرتاح ايهاب بضحكه يرد،،، - حاضر يامستبده، مع اني مش عايز انام واسيبك خالص نور؛ معلش ياحبيبي، بكره ان شاء الله اول ما اصحى هتلاقيني عندك ايهاب بنبرة تحذيريه حانيه،،، - مش هفطر غير لما تيجي، عشان متتأخريش عليا نور بترد بنبرة هاديه،، - حاضر ياقلبي مش هتاخر عليك، تصبح علي الجنه ايهاب بنبره عاشقه يقول،،، - الجنة في قربك يانوري، تصبحي في حضني ياعمري، مع الف سلامه حببتي ويغلق معها، ثم يستعد للنوم بعد عناء يوم طويل، لكنه يجافيه النوم، فظل يفكر في من سلبت قلبه قبل عقله، ويدور الاف الاسئله داخل عقله، ولا يجد لها اجابه، لماذا هي من دون غيرها؟ ، لماذا قلبي دق لها؟؟ ، لماذا شعرت من اول وهله انها ليست غريبه عني؟؟؟ ، بأني سمعت صوتها يتردد في اذني من قبل!! ، لماذا ولماذا؟؟؟ استمر هكذا حتي استسلم لسلطان النوم بدون وعي،،،، بينما نجد نور مازالت مستيقظة بعد ان رفض النوم ان يستجيب لها، فظلت تفكر في غدا وما سوف يحدث لها أثناء التسجيل لاول مره فكانت خائفه بشده، ولا تعرف لماذا كل هذا الخوف، فنهضت وتوضأت وصلت الفجر حين سمعته ودعت ربها ان يوفقها، ثم غفت بعدها في نوم عميق،،،، تجلس نانسي في غرفتها شارده حزينة علي ما جري لها، ليس لانها فقدت زوجها الذي كان يعشقها، ولكن لكبراءها الذي **ره بكلامته الجارحه،، فلم تنتبه لدخول والدتها زهيره فهتفتها مردده،، - لسه برضو مش عايزة تخرجي يابنتي من غرفتك، لحد امتي يانانسي هتفضلي كده، اللي يشوفك يقول عليكي كنتي دايبه في حبه، مش مطلعه عينه ومعذباه نانسي تنظر لها وترد بضيق قائله،،، - والنبي ياماما سبيني لوحدي، انا محدش فاهمني، انا اه مكنتش بحب معتز الحب اللي بيحبهولي، بس كنت بحب حبه ليا، اهتمامه بيا، كنت بحب تأثيري عليه، وتنفيذه لكل طلباتي زهيره تقترب منها وتجلس بجوارها علي فراشها، ثم تقول لها،،، - وما دام كنتي بتحبي كل ده، ليه محفظتيش عليه وريحتيه نانسي ترد بغضب وضيق وحده،،، - عشان غ*ي، مش عايز يكون عنده طموح، ويعلى بمستوانا، وكمان كان عايزني اخلف زهيرة بهدوء ترد،،، - يابنتي وايه المشكله انك تجيبي بيبي تفرحي بيه نانسي بحزن تحاول تداريه،،، - عشان مينفعش يا ماما زهيرة متسائله بحيره، ثم تقول،،، - وايه اللي مش هيخليه مينفعش نانسي بتردد تقول،،، - اصل.. اصل انا مش بخلف، رحت لدكتورة، وعملت تحاليل قالتلي اني مش هخلف زهيرة بصدمه،،، - انتي بتقولي ايه! ازاي تخبي عليا حاجه زي دي، انا امك متقوليش ليا، ولا تشاركيني في وجعك ازاي، ازاي تشيلي كل ده جواكي نانسي بحزن تقول،،، - مردتش اشيلك همي، حتي معتز خوفت اقوله عشان ميتجوزش عليا لو عرف خصوصا انه هيموت علي حته عيل، عشان كده كنت بحاول امن مستقبلي واخليه يشتري ليا دهب كتير "قالتها بكل طمع وجشع" زهيرة بنظره زعل وحزن تقول،،، - وهو من امتي يانانسي الدهب بيأمن مستقبل يابنتي، الامان في حضن يحتويكي، بانسان بيعشقك ويتمنالك الرضا ترضي ونفسه يعمل اي حاجه عشان تكوني سعيده، حتي لو معتز فكر يجوز ده هيكون من حقه نانسي بحده،،، - مستحيل طبعا كنت اوافق واقبلها علي كرامتي، معتز مش هيكون لغيري ابدا، وانا حرقت قلبه علي العفش اللي جابه بدمه يوريني بقي هيتجوز ازاي ولا يفكر حتي اما يتجوز، والله اخليه ولا ينفع ببصله، انا لو كنت اطول اشيل حيطان الشقه اخدها، كنت عملتها بس غلطتي اني مخلتهوش يكتبها باسمي زهيرة تنظر لها وعلي وجهها الصدمه من حديثها، ثم تقول،،، - ايه اللي بتقوليه ده، من امتي وانتي كنتي كده، انتي مش ممكن تكوني بنتي ابدا، هو انا ربيتك علي الحقد والجشع كده، انتي جبتيه منين نفسي اعرف، انا صدمتي فيكي كبيرة اوي وتركتها وهي لا تعلق داعيه ربنا ان يهدي قلبها ويزيل منه كل هذا الحقد والغل الذي لا تعرف من اين اتي نانسي بتوعد، تنظر لنفسها بالمرأه، ثم تقول،،، - وديني لاوريك النجوم في عز الظهر يامعتز، انا هعرفك ازاي تسيبني وتطلقني كده، انا وانت والزمن طويل، انا هكون الشوكه اللي هتقف في زورك وتطلع روحك، بس اصبر عليا يستيقظ ايهاب من نومه علي طرق سالي لغرفته لتبلغه بقدوم انسه هايدي، وتريد مقابلته لامر هام، فيتعجب لقدومها صباحا في ذلك الوقت، وما هو الامر الذي تريده فيه، ثم ينهض لياخذ حمامه لينعش جسده، ثم يرتدي ملابسه ويتوجه اليها، فكانت تجلس في حديقة الفيلا بجانب البيسين، فاول ما لمحته اسرعت عليه، وعانقته وقبلته علي وجنتيه ثم تردد،،، - صباح الخير ياهوبا ايهاب يبعدها عنه، ثم يقول،،، - صباح النور ياهايدي خير، ايه اللي جابك كده من غير معاد بينا، برغم اننا كنا إمبارح لسه شايفين بعض هايدي بتمثيل الزعل : انت مضايق انك شوف*ني ولا ايه؟ ايهاب ينظر لها بضيق، ثم يقول،، - مش فكره مضايق ولا مش مضايق، فكره اني مش بحب المفاجأت اللي من النوع ده، ياريت تقولي عايزة ايه؟ هايدي تقترب منه وتقول بتمثيل الزعل، ثم تقول،،، - انا جايه اشتكيلك من نور واسلوبها معايا إمبارح، انا مش عارفه هي مش بطيقني ليه، ولا اما عملت فيها ايه عشان تكرهني كده ايهاب يرد ببرود،،، - وهتكرهك ليه، هي بينها وبينك ايه اصلا، متحطيش في دماغك انتي بس هايدي ترد بدلع عليه،،، - يمكن عشان عارفه اني بحبك مثلا ايهاب بحده،،، - هايدي اللي بينا شغل وبس، فياريت يكون تعاملك معايا يكون في النطاق ده لو سمحت هايدي تنهض من مكانها وتمثل انها دايخه وهتفقد وعيها، وممسكه براسها، وتقع مره واحده في البيسين، فيتفاجأ ايهاب لما حدث، كل هذا في ثواني، فهايدي امامه وقعت فاقده لوعيها "كما تدعي" فأسرع قفز الي داخل البيسين محاولا انقاذها، وبالفعل حاول رفعها واخرجها، وحاول ان يفيقها، لكن دون ان استجابه منها، فقام لها بعمل تنفس صناعي، واثناء ذلك دخلت نور ورأت كل شيء ووقفت امامه بكل غضب وصاحت بكل طبقات صوتها متسائله،،، - ايهاب ممكن افهم ايه اللي بيحصل هنا ايهاب محاولا تهدئتها،،، - اهدي بس يانور تفوق هي بس، وانا هتحكي لك كل حاجه نور بعصبيه، وغضب تقول،،، - بصلي انا، ان شالله مافاقت، كلمني ورد عليها ايهاب مشغول بافاقة هايدي التي مازالت تمثل عليه، ولا يرد عليها نور بحده اكثر تقول،،، - ايهاب لو مردتش عليا دلوقتي وديني وما اعبد لامشي ومش هتشوف وشي تاني إيهاب ينظر لها بهدوء مردد،،، - ياحببتي اهدي بس، اهي ابتدت تفوق هايدي، تصطنع التعب،،، - حكه حكه، انا فين، ايه اللي حصل ايهاب بتنهيده، ياخد زفيرا عاليا، ثم يرد،،، - انتي كنتي بتتكلمي معايا ومره واحدة قومتي تقفي ودختي وقعتي في البيسين، ومن ساعتها بحاول افوقك، انتي بتشتكي من الضغط نور بضجر؛ انا اللي جالي الضغط ايهاب يبتسم من شكلها وهي غيرانه، فاحب ان يشا**ها اكتر فوجه كلامه لهايدي،، -كده تخضيني عليكي، انتي مفطرتيش ولا ايه قبل ماتيجي - هايدي بنظرة تسبيله له، ثم تقول،،، - لا انا مش بفطر، شربت فنجان قهوة ونزلت علي طول ايهاب ينظر لنور موجها حديثه لها، ثم يقول،،، - لو سمحت يانور اطلبي من سالي تحضر الفطار، وانتي ياهايدي ياريت تطلعي تغيري هدومك، وخدي اي لبس من عند نور، عقبال ما هدومك تنشف نور بغضب وبدات ان تبدي اعتراض، فقاطعها بحده، ايهاب بحده يرد،،، - لو سمحت يانور خدي هايدي عشان متبردش نور تتحرك معها وتهمس في سرها، يارب تموت حتي انا مالي إيهاب يضحك بشده ويقول،،، - سمعتك علي فكرة ف*نظر له نظره حاده قاتله، ثم ترد،،، ماشي يا إيهاب لما ارجعك، وتصعد الي غرفتها، واعطت لها بعض الملابس لتغيرها، ثم توجهت الي التوليت الخاص بالغرفه وارتدت الملابس وخرجت، فنظرت لها نور وهي ممسكه بمع**ها بقوه، والقت لها بعض الكلمات محذره اياها بلهجة شديده التوعد مردده،،، - بقولك ايه الشويتين اللي عملتيهم تحت دول ميخيلوش عليا، انتي فهماني، انا عارفه كويس اوي انتي جيتي ليه، والتمثيليه اللي عملتيها من شويه، متخلش عليا يا ماما، ايهاب ابعد من انك تطولي ظفرة، لو مسكتي النجوم هتكون اسهلك من انك تمسكيه، ايهاب خط احمر، ممنوع الاقتراب منه، انتي فاهمه ولا لاء هايدي بكل هدوء وبرود تقول،، هنشوف ياحببتي مين اللي هي**ب ويفوز بيه، سلام بقي عشان الحق افطر مع هوبا نور بنظره تحذيريه، وحده تقول،، - قولتلك متنطقيش كلمه هوبا دي قبل كده، انتي مش بتفهمي، اتفضلي انزلي، مش عايزة اشوف وشك الجميل تاني هايدي ببرود ترد،،، - لما تبقي صاحبه البيت تبقي تتحكمي وتأمري، زي ما انتي عايزة، عن اذنك باي وتدلف اليه لتناول الفطار، وتقترب منه لتعا**ه، وتطعمه في فمه، وينظر لها متعجب من تصرفها نور بتنظر له بغضب ثم تقول،،، - طب همشي انا بقي عشان مقطعش عليكوا الجو الرومانسي ده ايهاب ممسكا بيدها وينظر في مقلتيها ثم يقول،،، - نور اهدي كده ياقلبي، واستهدي بالله تعالي افطري عشان خاطري، انا مستنيكي من امبارح، وملحقتش حتي اسلم عليكي نور تجدها فرصه لتغيظها، وتبين لها انه ملكيه خاصه لها، فتقترب منه وتحاول ان تتحدث بهدوء مردده،، - طب ما انا جيت علي طول، وانت اللي مكنتش فاضي ياحبيبي، ده انا حتي سبت بابا وماما ومفطرتش معاهم عشان اجيلك علي طول ياقلبي، ثم تقترب منه وتهمس لانك وحشتني مووت ايهاب ينهض ليقترب منها ويمسك يداها، ويطبع قبلته علي باطن كفيها ويردد،، - والله وانتي وحشتيني اكتر ، طول الليل بفكر فيكي، متسبنيش تاني نور وقد فقدت كل سيطرتها بالكامل وهي ناظره له بكل حب فهتفت،،،،، - انت اللي وحشتني جدا والله، واول ما صحيت جتلك علي طول، ومتاخرتش، يالا ياحبي تفطر ايهاب محتضن كتفيها مرددا ،،، تعالي ياعمري تقف هايدي وبداخلها نار من هذا المشهد، متوعده بداخلها، انها لو استطاعت ان تتحالف مع الشيطان، لتحالفت معه لتفرقهم عن بعضهما، وتفوز به حتي تحقق احلامها، ثم رددت،،، - انا همشي ياهوبا، عشان ورايا مشوار مهم، هبقي اعدي عليك مرة تانيه نكمل كلامنا، سلام ايهاب ينظر لها ويرد ببرود قائلا،،، - براحتك ياهايدي،مع السلامه وتنصرف هايدي وقامت بالاتصال بشريكها لتقص له ما حدث عادل يرد بحماس مررد،،، - ايوة ياهايدي، ازيك نفذتي اللي اتفقنا عليه هايدي بضيق وغيظ تقول،،، - ايوة، وكنا عال العال، لحد ما ست زفته ما طبت علينا عادل بنبره تحذيريه يقول،،، - قولتلك الف مرة اتكلمي عليها كويس هايدي بعنف وحده،،، - انا مش عارفه هي عمللكوا ايه، سحرالك انت وهو، فيها ايه عشان تعشقوها كده عادل بنبره حانيه وهادئه يقول،،،، - فيها اللي عمرك ما هتقدري تفهميه، اخلصي وكملي اللي حصل وتقص عليه كل شيء ثم قاطعها مردد،، - حلو اوي كده، امشي علي نفس الخطي، تبقي تروحي مره تانيه بحجة تاخدي هدومك وترجعي هدوم نور وتنفذي الخطه ب هايدي بتنهيده وتأفف ترد،،، - لما نشوف بقي ساعتها هيعمل ايه، بس انت ظبط اللي اتفقنا عليه، مش عايزه اي غلط فيها عشان منتكشفش يابرنس النجوم عادل بابتسامة شيطانيه يقول،،، - متقلقيش كله تحت السيطره هايدي. بضحكه خبيثه تقول،،، - انت هتقولي، سلام ياعم المسيطر وتنهي المكالمه وتتوجه الي منزلها. ايهاب ينظر اليها ويقول،، -ساكته ليه يانور نور تنظر له وعلي وجهها علامات ضيق وزعل، ثم ترد قائله،،، - يعني مش عارف إيهاب يقترب ويجلس بجوارها، ثم ينظر لها بحب مرددا،،، - حبيبي انتي لسه زعلانه من اللي حصل، والله العظيم ما عملت حاجه غلط، هي اللي وقعت في الميه و كنت بحاول انجدها نور بعصبيه وغيرة شديده تقول،،، - وانت طبعا خالت عليك التمثيليه دي، وصدقت انها مغي عليها، دي كانت بتمثل عليك يا ابو قلب طيب ايهاب يرفع حاجبه الايسر ثم يقول متعجبا،،، - ياشيخه اتقي الله، حرام عليكي،، بس سيبك انتي كان شكلك زي العسل وانتي غيرانه وبتزعقي كده وتقولي ايهاب نور تنظر له بحده وغضب مردده ،،، - متعصبنيش يا ايهاب، انت عارف كويس هي عايزة منك ايه ايهاب ببرود يقول،،، - تعوز زي ما هي عايزة، المهم انا عايز ايه نور بتسبيله، وهمس مقتربه منه وتقول،،، - وانت عايز ايه بقي؟ ايهاب ينظر لها بحب شديد، ورغبه شغوفه يقترب من شفتاها مرددا،،، - عايز اخ*فك، واحضنك، وادخلك جواه قلبي، واتجوزك ادام الدنيا كلها، واقول ليهم ان نور خ*فت قلبي وعقلي واستحوذت عليهم، وجننتني في حبها نور ممسكه يداه وتضبع قبله حانيه علي كفه، ثم تقول،،، - ربنا يخليك ليا ياحبيبي، ويبعد عننا شر الناس يارب، ويقرب البعيد ياحبيبي واكون حلالك ايهاب يرفع يده داعيا،،، - اللهم آمين يارب العالمين، ممكن بقي نكمل فطار، عشان نستعد لتسجيل الاغنيه نور ببتسامه ترد،،، - حاضر يالا انت كمان افطر، خد دي مني ايهاب يضعها في فمه، ثم يقول بنبره حانيه،،،، - تسلميلي ياقلبي وينتهوا من تناول فطروهم، ثم نهضوا ليستعدوا للذهاب لتسجيل الاغنيه، وبعد عده ساعات طويله، انتهى التسجيل ليخرج من غرفة التسجيل قائلا،، - يااااه اخيرا خلصنا، الحمدلله، عقبال تصويرها نور بنظرة تعبت تقول،،، - اخيرا، انا كنت مرعوبه، بس الحمدلله عدت علي خير ايهاب بنظرة اعجاب وفخر يقول،،، - بس غنيتي جميل والله يانور نور بقلق تقول،،،، بجد عجبتك إيهاب باعجاب شديد يرد،،، - انتي عجبتيني من زمان ياعمري نور بخجل و**وف تقول،،، - حبيبي انت ياهوبا، فيقطع حديثهم مهندس الصوت مردد،،، - بجد انتي صوتك ممتاز جدا يا انسه نور ماشاءالله عليكي، اتمني انك تكرريها تاني نور ببتسامه لطيفه تقول،،، - اشكرك جدا، ان شاء الله، اشوف بس رد فعل الجمهور ايه في الالبوم ايهاب بنبرة حماسيه يقول،،، - انا حاسس ان الالبوم الاغنيه دي بالذات هت**ر الدنيا، وهتفق مع المخرج محسن حسين عشان نصورها، إيه رايك يانوري؟ نور تنظر له ببتسامه، ثم تقول،،، - اللي تشوفه يا ايهاب، بس المهم انا هموت من التعب، وجعانه جدا، تعالي ناكل، وبعدين نشرب اي حاجه في مكان هادي ايهاب ممسكا يدها بحنان، ثم يقول،،، - اوك انا هود*كي مكان بعشقه، كل ما اكون زعلان او فرحان بروح فيه، هيعجبك اوي، لما تحبي في يوم عايزة تلاقيني ومش عارفه توصلي روحي هناك هكون موجود نور بنظرة فضوليه تقول،، - ياتري فين المكان ده؟ " باك" ت**ت نور لحظات شارده، ثم ينظر لها هادي مرددا ،،، - للدرجه دي حصل حاجة هناك خلتك حزينه كده نور مازالت صامتة هادي ينظر لها بحزن ثم يقول،،،،، - مش هغصب عليكي، كفايه كده، وبكره نكمل نور : _________ مع السلامه يانور اشوفك علي خير تهز نور راسها بالايماء، وتظل علي حالتها شارده تفكر في معذبها، ولا تستطيع ان تتحدث، فتفضل ال**ت، لان اوقاتا يكون افضل من الحديث، وبعد مضي فترة طويله تمسك حاسوبها وتقرر ان تكتب ما بداخلها، لتتفرغ حاله الحزن فتكتب،،، - اشتاق اليك حبيبي... نعم اشتاق لكل شيء .. اشتاق لبريق عينيك.. لصوتك العذب الحنون... اشتاق لهمساتك، ولمساتك.. لحنانك... اشتاق اليك كما يشتاق العصفور لضمة عشه... اشتاق اليك كما يشتاق الطفل لاحضان امه بعد طول غياب... اشتاق اليك كما يشتاق العاشق لمعشوقه.... اشتاق لمجلسي بجوارك، وانا بين احضانك.. لحديثنا ليلا تحت ضوء شعاع القمر، كما سهرنا، ورقصنا سويا، كما تغنيت باعذب الكلمات ورددتها من اجلي....اشتاق اليك كما يشتاق الظمأن لقطرة المياه لتروي ظمأه،،، فهل يأتي اليوم لأرتوي من حبك، وشهد غرامك....كما اشتاق لمعرفة اخبارك برغم كل شئ نعم احن لكل ذكرياتي معك واشتاق بشده لها... ولكني اشعر بألف سور بيننا ولا استطيع تجاوزه، فهل تستطع هدمها؟ ... فهل تستطيع تخطي كل الحواجز التي شيدتها انت من قبل؟ هل تستطيع ان تستردني ياحبيبي؟ فانا لا اريد منك الاعتذار،،، لا اريد اسف علي الماضي... ولكني اريد فقط اثبات حبك لي، ثقتك بي، اريد امانك الذي افتقدته بشده، اريدك انت ياحبيبي فهل تستطيع؟ ‏ وينصرف متجها الي مكتب نسمه، وفي قلبه غصه لما فيه نور، وحزين من اجلها، فنهضت نسمه بسعاده لرؤيته من مكانها حين رؤياه، فقترب منه، وتحدثت له مردده،،،،، -حبيبي ازيك، متصلتش عليا إمبارح ليه؟ هادي محاولا تغير اخفاء حزنه ويرسم الابتسامه علي وجه ثم يقول،،،، - ازيك حببتي وحشتينى اوى، معلش مشغول والله مع نور ومعتز نسمه بزعل ترد،،، - انا مليش مكان تنشغل بيا هادي بنظرة حب يقول،،، - انتي في قلبي وعقلي يانسمتي، هتيجي امتي عشان تفرشي حاجتك نسمه تنظر له وترد بهدوء،،، - بنت عمتي هتيجي النهاردة، وبكره باذن الله بابا هيتفق مع سواق ونيجي نفرش هادي ببتسامه يقول،،، - تمام ياقلبي، تبقي تبلغيني لما تتحركوا، ولا تحبي اجي اخدك نسمه تنظر له بعطف وتقول،،، لا ياحبيبي مفيش داعي تتعب نفسك، الحكاية مش مستهله، كفايه تعبتك هنا مع المرضي هادي ينهض من مجلسه وينظر لها مرددا،،، - اولا مفيش تعب بينا، وانا لو مكنتش اتعب لحبيبه قلبي هتعب لمين يعني، بس اللي يريحك حبيبي،انا تحت امرك يانسمتي، لو احتجتيني انا موجود رني عليا بس واجيلك ياروحي، اسبيك انا بقي عشان افرغ جلسه إمبارح والنهاردة، عشان اضفها للملف، سلام ياحبي نسمه تسلم عليه بحب وتقول،،، - متحرمش منك يا حبيبي يارب، مع السلامه ياقلبي ويتركها ليتوجه الي مكتبه ليفرغ جلساته مع مريضتة نور،،،

Free reading for new users

Scan code to download app

App Store Google Play

Facebookexpand_more