CHAPTER 31
NAGISING si Celestine dahil sa sobrang nakaramdam siya ng lamig sa kanyang katawan. Kahit nakapikit ang kanyang mga mata hinahanap niya ang kumot sa kanyang kamay para pantakip sa giniginaw niyang katawan.
“May bagyo ba? Bakit kaya kakaiba ang lamig ngayon dito sa aking silid?” sa isip ng dalaga. Dahil sa sobrang pagod ng kanyang katawan nawala sa kanyang isipan ang nangyari sa kanila ng Gobernador kagabi.
Dahil sa sobrang pagod muli na naman siyang iginupo ng antok. Ilang minuto lamang iyon nang muli siyang nagising dahil nauligan niyang may nag-uusap sa loob .
“Minggay naman, huwag nga kayong maingay! Kita ninyong natutulog pa ’yong tao,” reklamo niya sa inaantok na tinig. Tumigil naman ang kanyang naririnig na inaakalang ang kanyang makukulit na kapatid ito.
“Sige na ng
