PAGKATAPOS NG KASAL wala man lang kahit na ano’ng salo-salo. Umuwi na kaagad ang judge at heto pauwi na rin ang kanyang mga magulang. Umuungot siya rito na sumama na lang muna kahit isa o dalawang araw man lang sa kanila. Mabuti na lang nandoon pa sa loob ng library sina Governor Hermedes at Manong Lito may pagkakataon siyang makausap ang ina.
“Inay, sasama ako sa inyo pauwi sa atin,” pakiusap ni Celestine sa kanyang inay Erma. Sobrang namimiss niya ang mga ito lalo na ang kanilang munting tahanan na kung saan siya lumaki. Marahang hinaplos ni nanay Erma ang kanyang likod.
“Anak, hindi ka na puwedeng ka sa amin, kasal ka na. Baka hindi ka payagan ng Gobernador na iwan mo siya rito na mag-isa, kabago-bago pa lamang ninyong e- kasal,” tanggi ng kanyang ina. Napanguso si Celestine, gusto
