Pag sapit ng alas-onse ng tanghali ay naisipan muna naming lahat na mag-pull over upang kumain sa isang restaurant. Gutom na gutom na kaming lahat, hindi kasi kami kumain ng umagahan dahil nagmamadali nga kaming umalis kanina sa baryo nila. Siyempre, mahigit din apat na oras ang magiging biyahe namin ngayong araw bago kami makarating sa Laguna, at ayaw naman namin na abutin pa ng gabi sa daan.
May dala naman kami na mga snacks pero alam naming lahat na hindi ‘yun sasapat dahil hindi naman ‘yun heavy meals para hindi kami gutumin. Mapapawi nga noon nang pansamantala ang gutom namin pero hindi ‘yon magtatagal.
Kaya heto, napag-pasyahan na nga naming kumain dito sa unang restaurant na nadaanan namin. Wala pa kami sa Laguna; parang maliit lang na bayan itong nadaanan namin. Wala pa rin akon
