Awtomatikong napahinto ako sa pagpupunas ng basa kong buhok gamit ang pink na tuwalya na pag-aari ko ng bigla kong marinig ang isang boses ng babae na tumatawag sa pangalan ni Apollo sa may labas. Halos kapapasok ko lang dito sa loob ng kuwarto ko dahil katatapos ko lang din naman na maligo.
“Apollo! Apollo, nasaan ka? Nandito na ako.” ‘Yun ang narinig ko na sinabi noong babae. Hindi ko alam kung imagination ko lang ba ‘yun o hindi, pero base sa pagtawag niya sa pangalan ni Apollo-- para bang may kasama ‘yung pang aakit at panglalandi. Hindi ko tuloy napigilan ang sarili ko na mapakunot ng noo. Dahil likas din sa akin ang pagiging tsismosa at usisera, kaya naman hindi ako nag dalawang isip na tumayo mula dito sa kama na pinagkakaupuan ko at saka ako dumiretso sa nakasaradong pinto nitong
