Dalawang taon na ang nakalipas mula nang umalis ako sa poder nila Red. Wala na rin akong balita tungkol sa kaniya at maging si Sky. Malaya akong namuhay ng mag-isa at nagkaroon din ng mga bagong tunay na kaibigan.
Nagtatrabaho ako sa isang resort sa Camiguin Island. Isa akong Assistant Manager dahil naging mabilis ang pag-promote sa akin. Mababait ang mga tao at ang mga kasama ko rin sa trabaho.
Madaming paghihirap ang aking naranasan habang mag-isa at walang kahit sino'ng malapitan. Minsan ay naisip kong tama nga si Red na hindi dapat ako umalis. Pero pinaninindigan ko ang aking pasya at naging mas matapang pa. Iniisip ko na lang na ito ang tamang pasya kahit na mahirap. Kahit nasanay akong nandiyan siya sa lahat ng oras para gabayan ako.
"Ma'am may mga VIP guest po tayo bukas at pin
