"Sige maiwan ko muna kayo at may gagawin pa ako. Hija, 'wag kang mahihiyang magsabi kung may masama kang na nararamdaman," ani ni Tita Carla at saka nagpaalam na sa amin. Sinama niya sa paglabas ang kasambahay kaya kaming dalawa na lang ni Red ang naiwan sa silid.
"Let's eat together." Aya niya ulit sa akin kaya tumango ako at inayos ko ang aking upo.
Pinagsilbihan niya ako kaya pinagsibihan ko siya na hindi niya ito kailangan gawin sa akin. Nakakahiya dahil ako na nga ang nakikituloy sa kanila tapos ako pa itong alagain na parang bata.
"Red, ako na. Kaya ko naman ang sarili ko," nahihiya kong reklamo dahil sa sobra-sobrang pag-aasikaso niya sa akin.
"Alam ko pero ito ang gusto ko, ang alagaan ka," nakangiti niyang sagot at nagpatuloy sa paglagay ng mga pagkain sa harap ko. Pinabayaan
