"Bakit?" nagtataka kong tanong nang mahuli ko siyang titig na titig sa akin.
"Wala." Umiiling niyang sagot at mabilis na ibinaling ang kan'yang atensyon sa pagkain. Sumubo siya na parang wala lang nangyari at hinayaan lang ako na kumain.
"Masarap 'to, gusto mong subukan?" Alok ko sa kan' ya.
Mabilis siyang umiling at hindi na ako pinansin pa. Naging tahimik siya bigla kaya nagbukas ako ng pwede naming mapag-usapan dahil para na akong nabibingi sa sobrang katahimikan sa pagitan naming dalawa. At saka ko naalala na ibahagi sa kan'ya ang pagdalaw ko sana sa kan'yang kompanya na hindi naman natuloy.
"Dumalaw sana ako sa 'yo kanina kaya lang hindi kami pinapasok ni Manong guard hindi kasi kami nakapagdala ng ID," wala sa sariling sumbong ko.
"Talaga?" namamangha niyang tanong at nakita
