"Bakit gan'yan ang suot mo?" pag-iiba niya sa aming pinag-usapan.
Tiningnan ko ang aking sarili at wala akong makitang mali sa aking suot. Kahit naman naka-crop top ako ay hindi rin naman lumantad ang tiyan ko.
"Baka nakakalimutan mong buntis ka?" paalala niya sa akin at sinabihan akong hintayin siya saglit.
Bago siya umalis sa harapan ko ay sinipat niya muna ako nang tingin mula ulo hanggang paa. Base sa itsura ng kan'yang mukha ay hindi lang ito tungkol sa pag-alala niya sa pagdadalang tao ko. Kundi ayaw lang talaga nito ang suot ko kahit na siya naman ang pumili ng lahat ng mga damit ko.
Ilang saglit ko siyang hinintay at paglabas nito sa banyo ay nakabihis na ito at halatang nagmamadali sa pagligo. Hindi ko man lang siya namalayang na may dala na pala siyang damit nang pumasok
