Nagising ako nang buhatin ulit ako ni Red mula sa kotse pero pinigilan ko siya. Hinawi ko ang mga kamay niya at nakitaan ko siya ng pagkagulat dahil hindi niya inaasahang gagawin ko iyon sa kaniya.
Kusa akong lumabas ng kotse kahit na nahihirapan ako. Naglakad ako upang pumasok na sa loob ng bahay. Napakatahimik ng buong paligid at ilang ilaw na lang ang nakabukas. Madaling araw na kaya sigurado akong tulog na ang lahat maliban sa amin ni Red.
Nahihilo ako sa kalasingan at sa tuwing hinahawakan ako ni Red para alalayan ay naiinis ako. Pero masyadong mahaba ang pasensiya niya sa akin at iniintindi lang ako.
"Bakit ka ba naglasing ng ganiyan?" nag-aalala niyang tanong sa akin. "Kung alam ko lang na maglalasing ka ng ganiyan ay sana pala ay 'di na kita pinayagan kanina," atuloy niyang wik
