Sa mga nakalipas na araw ay walang ibang ginawa si Zeuter kundi ang kabisaduhin ang buong Infelicis at mag-training. Minsan ay naiisip na niyang mali ang napunta siya sa mundo ng mga mahika dahil hindi pa rin lumalabas ang kan’yang kapangyarihan.
Marami ang nagsasabi sa kan’ya na natutuwa sila na sa wakas, pagkatapos ng ilang taon ay lumabas na ang kan’yang kapangyarihan. Na hindi naman niya magawang paniwalaan dahil wala namang nagbago sa kan’ya.
“Sigurado ba talaga kayo?” Nangunot ang noo ni Zeuter.
“Ngayon lang namin naramdaman ang ganito katinding enerhiya, Zeuter Phire,” tugon ni Raci.
Natatawag lang siya sa ganoong pangalan kapag nasa loob na sila ng kanilang kwarto. Nang makausap nila ang headmistress ay hindi siya hiniwalay kina Lady Euc. Na akala niya nang una ay sa ibang kwar
