Malayo pa lang ay ramdam na ng apat ang mas tuminding enerhiya. Nagmumula iyon sa tahanan kaya hindi maiwasang mag-alala ng apat. Simula nang makausap ng binata ang mahal na reyna ay hindi na lumabas pa ng kwarto si Zeuter. Ilang araw na ay hindi man lang ito nagpakita sa apat.
“Lumabas na yata ang kapangyarihan niya,” seryosong untag ni Eucarise.
Hindi nila magawang makapasok sa loob dahil hindi nila makayanan ang enerhiya. Kahit ang nasa loob ng tahanan ay kan’ya-kan’yang takbo para lang makawala sa bigat na ibinibigay ni Zeuter. Sa daang taon ay ngayon na lang muli naramdaman ng taga Infelicis ang kapangyarihan na iyon.
“Hindi tayo makakapasok hangga’t hindi kumakalma si Zeuter,” nahihirapang saad ni Moonchrys nang subukan niyang pumasok.
Para siyang iniluwa palabas ng tahanan. Nap
