Tama nga ang sinabi ng ama ni Zeuter. Nasa loob ng bahay si Thor Incasimir, walang malay at maraming sugat. Hindi maisip ni Ruthyst kung paanong napunta sa mundo ng mga tao ang kan’yang ama. Ni hindi niya naramdaman.
“Alam ko na ang gagawin ko, mahal na prinsepe. Magpunta ka na sa paaralan,” wika ni Ruza.
Hindi agad tumalima si Ruthyst. Tumitig siya sa ama na walang malay. Hindi niya alam kung ano ang nangyari sa ama ngunit ang sigurado lang siya ay may kinalaman ang itim na reyna. Sa mga kaluluwang nakain niya ay doon pa lang ay masasabi niyang tama siya sa naisip niya.
“Mahal na prinsepe,” pagtawag muli ni Ruza.
Nagbuntong hininga si Ruthyst at nagsimula nang maglakad. Pagtapos nang lahat ay gagawa siya ng paraan para makausap ang ama. Kailangan niyang malaman ang dahilan kung paa
