NANGUNOT ang noo ko sa kanya nang makita siyang pababa ngayon sa hagdan namin. Bihis na bihis siya at naka-dress siyang kulay red naman.
“Um, saan ka pupunta?” tanong ko sa kanya kahit may hinala na ako ngayon.
Nakalapit na siya sa akin ngayon at may malaking ngiti ang binigay niya sa akin. “Hmm... Sasama ako sa iyo! Sa bahay nila Giovanni! Actually, nag-ask din ako kina mom and dad about this kung pʼwede kitang samahan dahil si mom ay pauwi pa lang ngayon at maghahanda pa siya ng food na dadalhin. Si dad naman ay sasabayan niya si mommy sa pagpunta, kaya nag-request akong samahan ka para may makatulong ka roon!” nakangiting sabi niya sa akin.
Tama nga ang hinala ko tungkol sa kanya.
“Kahit hindi ka na suma—”
Hindi ko na naman natapos ang aking sasabihin nang hawakan niya ang aking k
