NAKABALIK na rin muli si sir Francois pagkatapos niyang magbayad ng bills namin dito sa hospital. Nakahinga ako nang maluwag dahil hindi ako ang nagbayad, umabot din ng 8k pesos ang bills namin, isama mo pa ang gamot na ni-reset sa kanila, kulang-kulang na 10k pesos ang ginastos. Ubos ang pera ko kapag nagkataon ako ang nagbayad ng bills niya.
Mamumulubi agad ako.
“Miss Quence, ako na po magdadala rito sa backpack niyo.”
Nagulat ako nang mapatingin ako kay sir Francois. “Um, hindi na po, Sir Francois! Hindi naman po mabigat! Mga damit lamang po ito!” mabilis na sabi ko sa kanya.
“Sir Francois? Miss Quence, kahit tanggalin niyo na po ng sir sa unahang pangalan ko. Ako po si Francois, ang right hand and secretary ni Master Silvestre,” pagpapakilala niya sa akin. Kahit pinakilala na siya
