NAPATINGIN ako sa aking katabi nang wala na akong marinig na madaldal. Nakita ko si Orion na tulog na tulog na sa tabi ko.
“Miss Quence, ako na po bahala kay Young Master Orion. May hinanda po si Chef Trevor na meryenda sa inyo,” saad ni Faith sa akin.
Mas matanda siya sa akin ng dalawang taon pero huwag ko raw siyang tawagin na ate. Kaya Faith lamang ang tinatawag ko sa kanya.
“Thanks, Faith! Pagkatapos kong mag-meryenda ay aakyat din ako sa room niya,” nakangiting sabi ko sa kanya.
Tinanguan niya ako at binuhat na niya si Orion pa-akyat. Ang lakas ni Faith.
Ako naman ay lumakad na papunta sa dining hall dahil nagluto ng meryenda si Chef Trevor. Nangungunot ang noo ko nang makita ang tingin ni Felipe sa akin.
Bakit niya ako tinitignan? Ganoʼng wala naman na sa tabi ko si Orion
