NANG matapos kaming kumain ay pumunta kami sa living room. Ipapakilala na raw ako ni Mister Ukyo sa mga tauhan niyang nakatira rito.
“Mommy, mababait silang lahat dito! Kaya donʼt wowwy po, okay? Abantay kita!” nakangiting sabi ni Orion sa akin at hinila na niya ako papunta sa living room nila.
“Quence...” Nagulat ako nang tawagin ako ni Mister Ukyo sa name ko. Nagkamali ba ako ng pandinig? “Ipapakilala ko na sa iyo ang mga taong nandito sa pamamahay ko,” sabi niya sa akin.
Nakita kong may nakapila na treseng tao sa harapan ko ngayon.
“Una, ang secretary kong si Francois, nakilala mo na siya, right?” Tumango ako sa kanya. “May dalawa siyang kapatid na nandito, si Lisa ang mayordoma sa pamamahay ko at si Faith na Yaya ni Orion,” saad niya at tinuro niya ang mga iyon.
“Mommy, abait s
