Wala akong nagawa nang hilingin ni gob na manatili ako sa kapitolyo, willing pa itong magbigay ng puhunan sa aking ina huwag lang akong mag-resign baka isipin pa ng iba na ako na nga lang ang tinutulungan ay umaayaw pa.
"Salamat, Lily at pinakinggan mo ang pakiusap ko," pasasalamat pa ng gobernador.
"Wala po 'yon, sir, dapat nga ako ang magpasalamat sa inyo," saad ko kay governor, nagpunta pa talaga ito sa aming bahay para lang kausapin ang aking ina.
Ngunit may pangamba sa 'king dibdib na baka hindi magtagal ay malaman nila ang hinggil sa aking pagdadalang-tao. Ano na lang ang sasabihin ko kapag tuluyang lumubo ang aking tiyan, wala naman silang alam na kasintahan ko o nobyo.
Sabagay may tatlo o apat na buwan pa ako bago tuluyang lumubo ang aking tiyan, sapat na siguro 'yon para makai
