Nagngingitngit ang kalooban ni Blake sa labas ng bahay nina Lily, kanina pa niya gustong pasukin ang mga ito lalo na at hindi nasagot si Lily sa tawag o sa text man lang.
"Lily, huwag mong ubusin ang pasensiya ko, ano ang relasyon ninyo ng lalaking kasama mo!" saad sa kawalan. Hindi pa rin siya mapakali, gusto niyang bumaba pero tiyak na pagtitinginan siya ng mga tao at baka makilala pa siyang anak ng gobernador, tiyak na makakarating sa kaalaman ng magulang o kay Gwen ang pagtungo niya kapag lumabas siya.
"Buwisit!" banas na wika ni Blake sabay masid sa bahay nina Lily.
Ilang sandali pa siyang nagmasid hanggang sa nag-text dito pero hindi pa rin ito sumagot kaya nagpasya na siyang bumalik sa bahay ng mga ito nang tumunog ang cell phone niya. Si Gwen ang nasa kabilang linya.
"Not now,
