Dahil sa malakas kong pagsigaw ay napasugod sina inay at Louie sa aking silid.
"Anak, may problema ba?" mabilis na tanong ni inay.
Napasalat ako sa aking noo, pinagpawisan ako sa init ng aking panaginip, ngunit hindi ko makalimutan ang mga nangyari, parang totoo pero hindi.
Nasampal ko pa tuloy ang sarili ko bagay na ipinagtaka ng aking ina ay kapatid.
"Ate, ayos ka lang ba?" usisa ni Louie na may pagdududa sa tingin nito sa aking ginawa. Iniisip yata ng kumag na nababaliw na ako.
"Ayos lang ako kaya huwag mo akong tingnan ng ganyan!" bara mo kay Louie. "Nanaginip lang ako," saad ko upang hindi na ito mag-isip ng kung anu-ano.
"Sus! tanghaling tapat nananaginip," hirit ng kapatid ko.
"O, siya, magpahinga ka na muna, magdasal ka anak saka ka matulog para hindi ka binabangungot," paal
