“ARE YOU FINE NOW?” tanong sa akin ni Lean habang kumakain ako ng chocolate ice cream.
Binilhan niya kasi ako ng chocolate ice cream kanina pagkatapos ng sabunutan session namin ni Stacey. Bumili na rin siya kanina ng cream para ipahid sa sugat ko, at bumili na rin siya ng panibagong band aid dahil abnormal siya at nilagyan niya kanina ng band aid ang sugat ko kahit na dapat ay nililinis na muna ‘yon at nilalagyan ng cream.
“Nakakailang ulit ka na niyan sa akin,” natatawang wika ko naman sa kan’ya bago ko isinubo nang buo ang cone ng chocolate ice cream na kinakain ko. “Okay na okay na ako. See? Nakangiti na nga ako, oh. I am so fine,” dagdag ko pang saad sa kan’ya bago ko ipinakita ang ngiti ko sa kan’ya. Hindi ko nga lang sigurado kung tunay nga ba ang ngiti na ‘yon o peke.
Pakiramd
