LAKAS SILANGANAN
“BANAL, PAGKATAPOS MONG ihatid, pakisabihan mo si Manong na idaan si Lakas sa bahay ng kaklase niya,” maawtoridad na tugon ni Madam.
“Iisa lang po ang pupuntahan namin ni Banal. Nililigawan po siya ng kaibi—a-aray ko!”
Hindi ko na natuloy ang sasabihin ko nang makatikim ako ng hampas sa batok mula kay Banal. Paglingon ko, ang sama ng tingin niya sa akin. Nakalimutan ko pala ang bilin sa akin ni Laki na dapat aarte lang ako na walang alam at kunwaring small world na nagkita kami roon. Pero hindi na mangyayari iyon dahil lang din naman sa akin.
“W-Wait. . . ano iyon, Lakas? Tell me,” nagtatakang tanong ni Liyab.
“Ako na, Mom. Nakakahiya rin sa tsismoso mong hardinero. Anyways, birthday ng classmate ng tsismoso at ang classmate ng tsismoso ay nililigawan ako,” sabi ni
